ఆ రెండు బిల్లులనూ ఆమోదించొద్దు

తాజా వార్తలు

Published : 19/07/2020 01:23 IST

ఆ రెండు బిల్లులనూ ఆమోదించొద్దు

గవర్నర్‌కు కన్నా విజ్ఞప్తి

అమరావతి: పాలనా వికేంద్రీకరణ, సీఆర్‌డీఏ రద్దు బిల్లులు ఆమోదించవద్దని కోరుతూ గవర్నర్‌ బిశ్వభూషణ్‌ హరిచందన్‌కు భాజపా రాష్ట్ర అధ్యక్షుడు కన్నా లక్ష్మీనారాయణ లేఖ రాశారు. ఆ రెండు బిల్లులూ రాజ్యాంగ విరుద్ధమని లేఖలో తెలిపారు. వాటిని శాసనమండలి సెలెక్ట్‌ కమిటీకి పంపిందని,  అంతేకాకుండా ఆ రెండు అంశాలు కోర్టు పరిధిలో ఉన్నందున ధిక్కారం కిందికి వస్తుందని చెప్పారు. అమరావతి అభివృద్ధి కోసం గత ప్రభుత్వం బాండ్ల రూపంలో రూ. 2వేల కోట్లు సమీకరించిందని, రాజధాని నిర్మాణానికి కేంద్రం కూడా నిధులు ఇచ్చిందని లేఖలో వివరించారు. రాజధాని కోసం అక్కడి రైతులు 32వేల ఏకరాల భూమి ఇచ్చారని,  వారు చేస్తున్న శాంతియుత పోరాటాన్ని గుర్తించాలని కోరారు. రాజ్యాంగ పరమైన అంశాలను పరిశీలించడంతోపాటు ప్రజల ఆకాంక్షలు పరిగణించి నిర్ణయం తీసుకోవాలని విజ్ఞప్తి చేశారు. ప్రభుత్వం పంపించిన బిల్లులు ఆమోదించవద్దని భాజపా నుంచి కోరుతున్నట్లు తెలిపారు.
 


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని