ఆప్‌ ఎమ్మెల్యేపై ఇంక్‌తో దాడి.. ఆపై అరెస్ట్!

తాజా వార్తలు

Published : 11/01/2021 19:13 IST

ఆప్‌ ఎమ్మెల్యేపై ఇంక్‌తో దాడి.. ఆపై అరెస్ట్!

రాయ్‌బరేలీ: దిల్లీలోని ఆమ్‌ ఆద్మీ పార్టీ (ఆప్‌) ఎమ్మెల్యే సోమనాథ్‌ భారతిపై దాడి యూపీలో జరిగింది. ఉత్తర్‌ప్రదేశ్‌లోని ప్రభుత్వ పాఠశాలలను పరిశీలించేందుకు రాయ్‌బరేలీలో ప్రభుత్వ అతిథి గృహం నుంచి బయటకు వస్తున్న ఆయన ముఖంపై ఓ వ్యక్తి సిరాతో చల్లాడు. మరోవైపు, ఈ ఘటన అనంతరం పోలీసులు సోమనాథ్‌ భారతిని అరెస్టు చేశారు. యూపీ ప్రభుత్వానికి వ్యతిరేకంగా అభ్యంతరకర వ్యాఖ్యలు చేశారని పేర్కొంటూ అదుపులోకి తీసుకున్నారు. నేరపూరిత బెదిరింపులకు పాల్పడటం, వర్గాల మధ్య శత్రుత్వాన్ని ప్రేరేపించేలా వ్యవహరించినందుకుగాను అరెస్టు చేసినట్టు పోలీసులు వెల్లడించారు. అనంతరం ఆయన్ను అమేఠీకి తరలించారు. ఆయనపై జరిగిన సిరా దాడి ఘటనపై విచారణ జరుపుతున్నట్టు పోలీసులు తెలిపారు.

యూపీ సర్కార్‌ చర్యను ఆప్‌ ఖండించింది. సోమనాథ్‌ భారతిపై సిరా దాడి కలతకు గురిచేసిందని ఆప్‌ నేత సంజయ్‌ సింగ్‌ అన్నారు. ఏదైనా అవాంఛనీయ ఘటన జరిగితే యూపీ ప్రభుత్వానిదే బాధ్యతన్నారు. భారతిపై దాడిని దిల్లీ సీఎం అరవింద్‌ కేజ్రీవాల్‌ ఖండించారు. ఇలాంటి దాడులు మానుకొని ప్రభుత్వ పాఠశాలల్లో సౌకర్యాలు ఏర్పాటుపై యూపీ సర్కారు దృష్టిసారించాలని హితవు పలికారు.
 

ఇదీ చదవండి..

చంపేసి.. సూట్కేసులో కుక్కేసి..


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని