BJP: రూ.3వేల నిరుద్యోగ భృతి ఇస్తామన్న కేసీఆర్‌ హామీ ఏమైంది: స్మృతి ఇరానీ

తాజా వార్తలు

Updated : 02/10/2021 18:50 IST

BJP: రూ.3వేల నిరుద్యోగ భృతి ఇస్తామన్న కేసీఆర్‌ హామీ ఏమైంది: స్మృతి ఇరానీ

హుస్నాబాద్‌: భాజపా రాష్ట్ర అధ్యక్షుడు బండి సంజయ్‌ చేపట్టిన ప్రజాసంగ్రామ యాత్ర తొలివిడత సిద్దిపేట జిల్లా హుస్నాబాద్‌లో ముగిసింది. తొలిదశలో భాగంగా 36 రోజుల పాటు పాదయాత్ర సాగింది. ఈ సందర్భంగా హుస్నాబాద్‌లో ఏర్పాటు చేసిన బహిరంగసభకు కేంద్ర మంత్రి స్మృతి ఇరానీ హాజరై ప్రసంగించారు. 

‘‘మోదీ ప్రభుత్వం 80కోట్ల మంది పేదలకు ఉచిత రేషన్‌ ఇచ్చింది. కరోనా వేళ ఉచిత రేషన్‌తో పాటు మహిళలకు డబ్బులు కూడా ఇచ్చి ఆదుకుంది. తెరాస ప్రభుత్వం కొన్నేళ్లుగా ఉద్యోగాలు భర్తీ చేయడం లేదు. నిరుద్యోగులకు రూ.3వేల భృతి ఇస్తామన్న సీఎం కేసీఆర్‌ ఇస్తున్నారా? ఎంఐఎం అంటే తెరాసకు భయం, ఆ పార్టీ నేత చెప్పినట్టే కేసీఆర్‌ నడుచుకుంటారు. ఎంఐఎంకు భయపడి.. తెరాస ప్రభుత్వం సెప్టెంబరు 17న విలీనదినం నిర్వహించట్లేదు. ప్రధాని ఆవాస్‌ యోజన పథకం కింద ఇల్లు నిర్మించుకునేందుకు ఆర్థిక సాయం చేస్తున్నాం. పేదలు ఇల్లు నిర్మించుకునేందుకు తెరాస ప్రభుత్వం ఏమైనా సాయం చేసిందా?’’ అని స్మృతి ఇరానీ ప్రశ్నించారు. రాష్ట్ర అధ్యక్షుడు బండి సంజయ్‌తో పాటు సీనియర్‌ నేతలు లక్ష్మణ్‌, ఈటల రాజేందర్‌ తదితరులు హాజరయ్యారు. ముగింపు సభకు భాజపా శ్రేణులు భారీగా తరలి వచ్చారు.



Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని