pawan kalyan: ప్రజాస్వామ్యంలో భయానికి చోటు లేదు: పవన్‌ కల్యాణ్‌

తాజా వార్తలు

Updated : 02/10/2021 21:56 IST

pawan kalyan: ప్రజాస్వామ్యంలో భయానికి చోటు లేదు: పవన్‌ కల్యాణ్‌

అనంతపురం: రహదారుల దుస్థితిపై నిరసనలో భాగంగా అనంతపురం జిల్లాలోని నాగులకనుమ వద్ద జనసేన అధినేత పవన్‌ కల్యాణ్ శ్రమదానం చేశారు. పవన్‌తో పాటు ఆపార్టీ నేత నాదెండ్ల మనోహర్‌, తదితరులు కార్యక్రమంలో పాల్గొన్నారు. ఈసందర్భంగా కొత్త చెరువు వద్ద ఏర్పాటు చేసిన బహిరంగసభలో పవన్‌ ప్రసంగించారు. 

‘‘రాయలసీమ నుంచి ఎందరో యువత వలస పోతున్నారు. సీమ నుంచి ఎందరో సీఎంలు వచ్చినా ఈ ప్రాంతం అభివృద్ధి కాలేదు. భయపెడితే పరిశ్రమలు ఎక్కణ్నుంచి వస్తాయి. రాయలసీమకు పరిశ్రమలు రప్పిస్తా.. అభివృద్ధి చేస్తా. నెల్లూరు జిల్లాలో చదువుకున్నా.. రెడ్డి సామాజికవర్గంతో కలిసి పెరిగా. రాయలసీమ చదువుల సీమ. రాయలసీమ .. కరువు సీమగా, వెనుకబడిన ప్రాంతంగా ఎందుకుంది? వచ్చే ఎన్నికల్లో జనసేనదే అధికారం. వైకాపా పాలన బాగుంటే రోడ్లమీదకు వచ్చే వాళ్లం కాదు. రాయలసీమ పోరాటాల, పౌరుషాల గడ్డ. ప్రజా స్వామ్యం అనే ఆయుధాన్ని ప్రజలు వాడుకోవాలి. ప్రజాస్వామ్యంలో భయానికి చోటు లేదు. పోరాడేందుకు తెదేపా కూడా వెనుకంజ వేస్తోంది. సాయిబాబా ఒక్కరే అంత పని చేస్తే.. ప్రభుత్వం ఎంత చేయాలి? నాయకుడు నిజాయతీగా ఉంటే అందరికీ అభివృద్ధి ఫలాలు అందుతాయి. వచ్చిన కియా పరిశ్రమను కూడా బెదిరించారు. బోయ కులంలోని పేదల కష్టాలను జనసేన గుర్తిస్తుంది’’ అని పవన్‌ కల్యాణ్ తెలిపారు.



Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని