కరోనా కట్టడిలో ప్రభుత్వం పూర్తిగా విఫలం: రామ్మోహన్‌

తాజా వార్తలు

Published : 28/05/2021 01:41 IST

కరోనా కట్టడిలో ప్రభుత్వం పూర్తిగా విఫలం: రామ్మోహన్‌

అమ‌రావ‌తి: కొవిడ్ విప‌త్క‌ర ప‌రిస్థితుల్లో వైర‌స్ క‌ట్ట‌డి గురించి ఆలోచించాల్సిన సీఎం జ‌గ‌న్.. ప్ర‌తి ప‌క్ష నాయ‌కుల అరెస్టుల‌పై దృష్టి సారించ‌డం శోచ‌నీయ‌మ‌ని తెదేపా ఎంపీ రామ్మోహ‌న్‌నాయుడు మండిప‌డ్డారు. క‌రోనా క‌ట్ట‌డిలో ప్ర‌భుత్వం పూర్తిగా విఫ‌లమైంద‌ని ఆగ్ర‌హం వ్య‌క్తం చేశారు. కొవిడ్ క‌ట్ట‌డిలో తీవ్ర వైఫ‌ల్యాలు, త‌ల‌కిందులైన కుటుంబ ఆదాయం అనే అంశంపై రామ్మోహ‌న్‌నాయుడు మహానాడులో మాట్లాడారు. అంద‌రికీ వ్యాక్సిన్ అందించ‌డంతో పాటు బ్లాక్ ఫంగ‌స్ నివార‌ణ‌కు స‌దుపాయాల‌ను పెంచాల‌ని డిమాండ్ చేస్తూ రూపొందించిన తీర్మానాన్ని ఏక‌గ్రీవంగా ఆమోదించారు.

సీఎం జగన్‌ది మొద్దునిద్ర: నిమ్మల

ప్ర‌పంచం మొత్తం క‌రోనా వ్యాక్సిన్ కోసం పోటీ ప‌డుతుంటే.. సీఎం మొద్దు నిద్ర పోతున్నార‌ని తెదేపా ఎమ్మెల్యే నిమ్మ‌ల రామానాయుడు విమ‌ర్శించారు. క‌రోనా రెండో ద‌శ 20 రెట్లు ప్ర‌మాద‌క‌ర‌మైనా క‌నీసం టీకాల కోసం ప్ర‌భుత్వం ప్ర‌య‌త్నించ‌డం లేద‌న్నారు. కొవిడ్ ప్ర‌మాద‌కరంగా మారుతున్నా.. స్పంద‌న లేద‌ని మండిప‌డ్డారు. వ్యాక్సిన్ ఉత్ప‌త్తి సంస్థ‌ల‌కు సీఎం లేఖ‌లు రాస్తున్నార‌ని.. లేఖ‌లు రాస్తే వ్యాక్సిన్‌లు రావ‌ని రామానాయుడు ఎద్దేవా చేశారు. ప్ర‌భుత్వం డబ్బులు చెల్లించి వ్యాక్సిన్లు తీసుకురావాల‌ని డిమాండ్ చేశారు. ప్ర‌జాధ‌నాన్ని ప్ర‌భుత్వం లూటీ చేసి సోకులు చేసుకుంటోంద‌ని ఆగ్ర‌హం వ్య‌క్తం చేశారు.  

 


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని