DK Aruna: తెలంగాణ ప్రజల ఆకాంక్షలు మజ్లీస్‌కు తాకట్టు పెట్టారు: డీకే అరుణ

తాజా వార్తలు

Published : 16/09/2021 02:25 IST

DK Aruna: తెలంగాణ ప్రజల ఆకాంక్షలు మజ్లీస్‌కు తాకట్టు పెట్టారు: డీకే అరుణ

హైదరాబాద్‌: సీఎం కేసీఆర్‌ తెలంగాణ ప్రజల ఆశలు, ఆకాంక్షలను మజ్లీస్‌కు తాకట్టు పెట్టి తెలంగాణ విమోచన దినోత్సవాన్ని అధికారికంగా నిర్వహించడం లేదని భాజపా జాతీయ ఉపాధ్యక్షురాలు డీకే అరుణ ధ్వజమెత్తారు. భాజపా 1998 నుంచే తెలంగాణ విమోచన దినోత్సవాన్ని అధికారికంగా నిర్వహించాలని డిమాండ్‌ చేస్తోందని తెలిపారు. ఉద్యమసమయంలో అధికారికంగా నిర్వహిస్తామని కేసీఆర్‌ హామీ ఇచ్చి మోసం చేశారని దుయ్యబట్టారు.  తెలంగాణ విమోచన దినోత్సవాన్ని అధికారికంగా ఎందుకు నిర్వహించడంలేదో చెప్పాలని ఆమె డిమాండ్‌ చేశారు. నియంతలకు పట్టిన గతే కేసీఆర్‌కు పడుతుందన్నారు.  కేటీఆర్‌ గద్వాల్‌లో అవాకులు చెవాకులు పేలారని పేర్కొన్న డీకే అరుణ... గద్వాల్‌లో ఏడేళ్లలో ఏం అభివృద్ధి చేశారో చూపించాలని డిమాండ్‌ చేశారు. ఈనెల 17న నిర్మల్‌లో జరిగే తెలంగాణ విమోచన సభలో అమిత్‌ షా పాల్గొంటారని తెలిపారు. నిర్మల్‌ సభను విజయవంతం చేయాలని పార్టీ శ్రేణులను కోరారు.  మోదీ జన్మదినం సందర్భంగా ఈనెల 17నుంచి అక్టోబర్‌ 7 వరకు సేవా కార్యక్రమాలు నిర్వహించనున్నట్టు  చెప్పారు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని