Revanth Reddy: అధికారంలోకి వచ్చాక వడ్డీతో సహా బదులు తీర్చుకుంటాం: రేవంత్‌

తాజా వార్తలు

Updated : 30/09/2021 21:44 IST

Revanth Reddy: అధికారంలోకి వచ్చాక వడ్డీతో సహా బదులు తీర్చుకుంటాం: రేవంత్‌

భూపాలపల్లి: కాంగ్రెస్‌ పార్టీ అధికారంలోకి వచ్చిన తర్వాత వడ్డీతో సహా బదులు తీర్చుకుంటామని టీపీసీసీ అధ్యక్షుడు రేవంత్‌రెడ్డి హెచ్చరించారు. కాంగ్రెస్‌ పార్టీ ఆధ్వర్యంలో భూపాలపల్లిలో ‘ప్రజా గొంతుకకు ప్రణామం’ పేరుతో భారీ బహిరంగసభ నిర్వహంచారు. ఈసందర్భంగా రేవంత్‌రెడ్డి సమక్షంలో గండ్ర సత్యనారాయణ కాంగ్రెస్‌లో చేరారు. అనంతరం రేవంత్‌రెడ్డి మాట్లాడుతూ... ‘‘కార్యకర్తలు, నాయకులను నట్టేట ముంచి తెరాసలో చేరిన గండ్ర వెంకటరమణారెడ్డిరెడ్డి రాజకీయ మనుగడలేదు. భూపాల పల్లి ప్రజలను నమ్మించి మోసం చేశారు. కాంగ్రెస్‌ కార్యకర్తలు గండ్రకు మరణశాసనం రాయబోతున్నారు. అతనికి ఇదే చివరి ప్రజా జీవితం. భూపాలపల్లికి సరైన రోడ్లు, నీటి సౌకర్యం లేవు. గండ్ర వెంకటరమణారెడ్డి గాలి, నీటిని సైతం కొల్లగొట్టారు. ప్రశ్నించే గొంతుకలను అణగదొక్కేందుకు ప్రయత్నిస్తున్నారు. కాంగ్రెస్‌ కార్యకర్తలపై అక్రమంగా కేసులు పెడుతున్నారు. అధికారంలోకి వచ్చాక వడ్డీతో సహా బదులు తీర్చుకుంటాం’’ అని రేవంత్‌రెడ్డి అన్నారు. కాంగ్రెస్‌ నేతలు శ్రీధర్‌బాబు, మధుయాష్కీగౌడ్‌, సీతక్క తదితరులు సభలో పాల్గొన్నారు.



Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని