Badvel By Election: ఉప ఎన్నికను సీరియస్‌గా తీసుకున్నాం: సోము వీర్రాజు

తాజా వార్తలు

Updated : 27/10/2021 15:10 IST

Badvel By Election: ఉప ఎన్నికను సీరియస్‌గా తీసుకున్నాం: సోము వీర్రాజు

బద్వేలు: అభివృద్ధికి భాజపా పెట్టింది పేరు అని ఆ పార్టీ ఏపీ అధ్యక్షుడు సోము వీర్రాజు అన్నారు. ఉప ఎన్నిక ప్రచారంలో భాగంగా కడప జిల్లా బద్వేలు వచ్చిన ఆయన.. మీడియాతో మాట్లాడారు. బద్వేలులో కేంద్ర ప్రభుత్వ నిధులతోనే అభివృద్ధి జరిగిందన్నారు. వైఎస్సార్‌ కుటుంబానికి బద్వేలు ప్రజలు 40ఏళ్లుగా పట్టం కడుతున్నా.. ఇక్కడ కనీసం ప్రభుత్వ డిగ్రీ కళాశాల కూడా లేదని ఆక్షేపించారు. ఈ ఉప ఎన్నికను భాజపా సీరియస్‌గా తీసుకుందని సోము వీర్రాజు చెప్పారు. 50 కార్లలో వెళ్లి భాజపా కలసపాడు మండల అధ్యక్షుడికి బలవంతంగా వైకాపా కండువా కప్పారని ఆయన ఆరోపించారు. రాజకీయాల్లో హుందాగా ఉండాలని హితవు పలికారు. తిరుపతి ఉప ఎన్నికలాగే బద్వేలులోనూ చేయాలని మంత్రి పెద్దిరెడ్డి రామచంద్రారెడ్డి అనుకుంటున్నారని.. ఇక్కడ ఆ పరిస్థితి ఉండదన్నారు. భాజపాకు మద్దతివ్వాలని వైకాపా అసమ్మతి నేతలనూ కోరతామని చెప్పారు.

బద్వేలులో వైకాపా దౌర్జన్యాలు పెరిగిపోయాయని.. ఓటేయకపోతే ప్రభుత్వ పథకాలు రద్దు చేస్తామని ఆ పార్టీ నేతలు బెదిరిస్తున్నారని భాజపా ఎంపీ సీఎం రమేశ్‌ ఆరోపించారు.


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని