Ashwin: కౌంటీ మ్యాచ్‌ ఆడనున్న అశ్విన్‌!

తాజా వార్తలు

Published : 07/07/2021 14:18 IST

Ashwin: కౌంటీ మ్యాచ్‌ ఆడనున్న అశ్విన్‌!

ఇంగ్లాండ్‌ సిరీసుకు ముందు మ్యాచ్‌ ప్రాక్టీస్‌ లభించే అవకాశం

లండన్‌: ఇంగ్లాండ్‌తో ఐదు టెస్టుల సిరీసుకు ముందు టీమ్‌ఇండియా సీనియర్‌ స్పిన్నర్‌ రవిచంద్రన్‌ అశ్విన్‌కు ఓ అవకాశం దొరికింది. అన్నీ సవ్యంగా కుదిరితే అతడు జులై 11న సర్రే తరఫున కౌంటీ మ్యాచ్‌ ఆడనున్నాను. దీంతో ప్రతిష్ఠాత్మక సిరీసుకు ముందు అతడికి మంచి మ్యాచ్‌ ప్రాక్టీస్‌ దొరకనుంది.

ప్రస్తుతం టీమ్‌ఇండియా ఆటగాళ్లంతా విరామంలో ఉన్నారు. వారితో పాటే అశ్విన్‌ సైతం కుటుంబంతో కలిసి బ్రిటన్‌లో పర్యాటక ప్రదేశాలను సందర్శిస్తున్నాడు. గతంలో కౌంటీ క్రికెట్లో నాటింగ్‌హామ్‌ షైర్‌, వొర్సెస్టర్‌షైర్‌కు ఆడిన అనుభవం యాష్‌కు ఉంది. ఒకవేళ సర్రే తరఫున సోమర్‌సెట్‌పై ఓవల్‌లో ఆడే అవకాశం దొరికితే అతడికి విలువైన మ్యాచ్‌ ప్రాక్టీస్‌ లభించినట్టే. పైగా ఇదే మైదానంలో టీమ్‌ఇండియా ఇంగ్లాండ్‌తో నాలుగో టెస్టు ఆడనుంది.

జులై 11న ఆరంభమయ్యే కౌంటీ మ్యాచుపై యాష్‌తో పాటు సర్రే సైతం ఆశలు పెట్టుకున్నట్టు తెలిసింది. సమయానికి అనుగుణంగా అన్ని పనులు సవ్యంగా జరుగుతాయని వారు ఆశాభావంతో ఉన్నారు. ఐసీసీ ప్రపంచ టెస్టు ఛాంపియన్‌షిప్‌ ఓటమి తర్వాత సారథి విరాట్‌ కోహ్లీ సన్నాహక మ్యాచుల గురించి ప్రశ్నించిన సంగతి తెలిసిందే. ఈ నేపథ్యంలో యాష్‌కు సరైన సమయంలో సరైన అవకాశం లభించినట్టైంది.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని