Corona: వాటిని తల్చుకుంటే భయమేస్తుంది 

తాజా వార్తలు

Published : 16/07/2021 01:43 IST

Corona: వాటిని తల్చుకుంటే భయమేస్తుంది 

పంత్‌కు పాజిటివ్‌గా తేలడంపై మైఖేల్‌ వాన్‌..

ఇంటర్నెట్‌డెస్క్‌: టీమ్‌ఇండియా యువ బ్యాట్స్‌మన్‌, వికెట్‌ కీపర్‌ రిషభ్‌పంత్‌ తాజాగా కరోనా వైరస్‌బారిన పడటంపై ఇంగ్లాండ్‌ క్రికెట్‌ టీమ్‌ మాజీ కెప్టెన్‌ మేఖేల్‌ వాన్‌  ట్విటర్‌ వేదికగా ఆందోళన వ్యక్తం చేశాడు.  ఐసోలేషన్‌ నిబంధనలు మారనంతవరకు ఆటగాళ్లు వైరస్‌ బారినపడుతుంటారని అభిప్రాయపడ్డాడు.

క్రికెట్‌ వర్గాల్లో ప్రస్తుతం కరోనా కేసులు పెరుగుతున్నాయని, అందుకు పంత్‌ కేసే ఉదాహరణ అని పేర్కొన్నాడు. దాంతో త్వరలో జరగబోయే ‘ది హండ్రెడ్’‌, ‘భారత్‌xఇంగ్లాండ్‌’ జట్ల ఐదు టెస్టుల సిరీస్‌లపై ఆందోళన వ్యక్తం చేశాడు. మరోవైపు ఈ ఏడాది చివర్లో ఇంగ్లాండ్‌, ఆస్ట్రేలియా జట్ల మధ్య జరిగే యాషెస్‌ సిరీస్‌పైనా వైరస్‌ ప్రభావం చూపుంతుందని చెప్పాడు. బయోబుడగ, క్వారంటైన్‌ నిబంధనలు మారకపోతే క్రికెటర్లు ఆయా సిరీస్‌ల నుంచి తప్పుకునే ప్రమాదముందన్నాడు.

ఇదిలా ఉండగా, ఇటీవల యూకేలో కరోనా కేసులు అధికంగా నమోదవుతున్న సంగతి తెలిసిందే. ఈ నేపథ్యంలోనే శ్రీలంకతో పరిమిత ఓవర్ల సిరీస్‌లు పూర్తయ్యాక పలువురు ఇంగ్లిష్‌ జట్టు ఆటగాళ్లు కూడా వైరస్‌బారిన పడ్డాడు. ఇక పాకిస్థాన్‌తో వన్డే సిరీస్‌కు ఇంగ్లాండ్‌ క్రికెట్‌ బోర్డు బెన్‌స్టోక్స్‌ నేతృత్వంలో ద్వితీయశ్రేణి జట్టును ఎంపిక చేసి మ్యాచ్‌లు ఆడించింది. మరోవైపు తాజాగా పంత్‌కు పాజిటివ్‌గా తేలడంతో టీమ్‌ఇండియాలో కలవరం మొదలైంది. అయితే, అతడు ఇతర జట్టు ఆటగాళ్లను కలవకపోవడం ఊరట కలిగించే పరిణామం. ఈ క్రమంలోనే టీమ్‌ఇండియా వచ్చేనెల 4 నుంచి ఇంగ్లాండ్‌తో ఐదు టెస్టుల సిరీస్‌ ఆడనుంది.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని