IPL 2021: ఈ సీజన్‌లో మెరిసిన ఆటగాళ్లు.. దక్కిన అవార్డులు..!

తాజా వార్తలు

Published : 16/10/2021 08:41 IST

IPL 2021: ఈ సీజన్‌లో మెరిసిన ఆటగాళ్లు.. దక్కిన అవార్డులు..!

(Photos: Ruturaj, Harshal, KL Rahul Instagram)

ఇంటర్నెట్‌డెస్క్‌: ఇదివరకు ఎన్నడూ లేని విధంగా ఐపీఎల్‌ 14వ సీజన్ రెండు అంచెలుగా జరిగింది. తొలుత ఏప్రిల్ 9న చెన్నైలో ఆరంభమైన ఈ ప్రయాణం అక్టోబర్‌ 15న దుబాయ్‌లో ముగిసింది. దిల్లీ క్యాపిటల్స్‌తో జరిగిన తొలి మ్యాచ్‌లో ఓటమి చవిచూసిన చెన్నై సూపర్‌ కింగ్స్‌.. చివరికి ఫైనల్లో కోల్‌కతాపై విజయం సాధించి నాలుగోసారి టైటిల్‌ ఎగరేసుకుపోయింది. ఈ క్రమంలో రాయల్‌ ఛాలెంజర్స్‌ బెంగళూరు, దిల్లీ క్యాపిటల్స్‌ జట్లు కూడా మెరుగైన ప్రదర్శన చేసి ప్లేఆఫ్స్‌ వరకూ చేరాయి. అయితే, ఆ రెండు జట్లు కీలక మ్యాచ్‌ల్లో ఓటమిపాలై కప్పుకు దూరమయ్యాయి. అయితే, ఈ సీజన్‌లో ఆయా జట్లలోని పలువురు ఆటగాళ్లు రాణించిన తీరు అందర్నీ ఆకట్టుకుంది. దీంతో టోర్నీ నిర్వాహకులు వారందరినీ ప్రత్యేక అవార్డులతో సత్కరించారు. ఎవరెవరు ఏయే విభాగాల్లో రాణించారో చూద్దాం..!

* ఈ సీజన్‌లో అత్యంత విలువైన ఆటగాడు హర్షల్‌ పటేల్‌ (ఆర్సీబీ)

* ఆరెంజ్‌ క్యాప్‌: రుతురాజ్‌ (సీఎస్కే) 635 పరుగులు, 1 శతకం, 4 అర్ధశతకాలు

* పర్పుల్‌ క్యాప్‌: హర్షల్‌ పటేల్‌. ఒక సీజన్‌లో అత్యధిక వికెట్లు తీసిన ఆటగాళ్ల జాబితాలో బ్రావో (2012)తో సమానంగా నిలిచాడు. 5 వికెట్ల ప్రదర్శన ఒకసారి, నాలుగు వికెట్ల ప్రదర్శన మరోసారి.

* పవర్‌ ప్లేయర్‌ ఆఫ్‌ ది సీజన్‌: వెంకటేశ్‌ అయ్యర్‌ (కేకేఆర్‌), (10 మ్యాచ్‌ల్లో 370 పరుగులు)

* అత్యధిక సిక్సర్లు: కేఎల్‌ రాహుల్‌ (పీబీకేఎస్‌) ఈ సీజన్‌లో ఏకంగా 30 సిక్సులు బాదాడు.

* గేమ్‌ చేంజర్‌ ఆఫ్‌ ది సీజన్‌ : హర్షల్‌ పటేల్‌

* సూపర్‌ స్ట్రైకర్‌ ఆఫ్‌ ది సీజన్‌ : షిమ్రన్‌ హెట్‌మైయర్‌ (168 స్ట్రైక్‌రేట్‌)

* క్యాచ్ ఆఫ్‌ ది సీజన్‌ : రవిబిష్ణోయ్‌. అహ్మదాబాద్‌లో కోల్‌కతా బ్యాట్స్‌మన్‌ సునీల్‌ నరైన్‌ ఆడిన షాట్‌ను డీప్‌మిడ్‌ వికెట్లో ఫుల్‌లెంత్‌ డైవ్‌ చేస్తూ క్యాచ్‌ అందుకున్నాడు.

* ఫెయిర్‌ప్లే అవార్డు : రాజస్థాన్‌ రాయల్స్‌ జట్టుకు.

* ఎమర్జింగ్‌ ప్లేయర్‌ ఆఫ్‌ ది సీజన్‌ : రుతురాజ్‌ గైక్వాడ్‌


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని