Ravi Shastri ready to say goodbye: రవిశాస్త్రి గుడ్‌బై.. బీసీసీఐకి విషయం చేప్పేశాడని వార్తలు!

తాజా వార్తలు

Updated : 11/08/2021 11:57 IST

Ravi Shastri ready to say goodbye: రవిశాస్త్రి గుడ్‌బై.. బీసీసీఐకి విషయం చేప్పేశాడని వార్తలు!

ఇంటర్నెట్‌ డెస్క్‌: టీమ్‌ఇండియా కొత్త కోచ్‌గా రాహుల్‌ ద్రవిడ్‌ ఎంపిక లాంఛనమేనా? టీ20 ప్రపంచకప్‌ తర్వాత రవిశాస్త్రి వెళ్లిపోవడం ఖాయమేనా? అతడు ఈ పాటికే బీసీసీఐకి తన నిర్ణయం చెప్పేశాడా? గుడ్‌బై చెప్పేందుకు సిద్ధమయ్యాడా? అంటే అవుననే సమాధానాలే వినిపిస్తున్నాయి!

భారత క్రికెట్‌ జట్టు కోచింగ్‌ బృందంలో పెను మార్పులు చోటు చేసుకోనున్నాయి. ఇక టీమ్‌ఇండియా కోచ్‌ పదవికి గుడ్‌బై చెప్పేస్తానని రవిశాస్త్రి బీసీసీఐకి సమాచారం ఇచ్చాడని తెలుస్తోంది. ఐసీసీ టీ20 ప్రపంచకప్‌ తర్వాత అతడు వీడ్కోలు పలకనున్నాడు! ఇప్పటికే అతడికి 59 ఏళ్లు నిండాయి. కోచ్‌ పదవికి వయో పరిమితి 60 ఏళ్లే. పైగా సుదీర్ఘ కాలంగా ఆ పదవిలో ఉన్నాడు. దీంతో అటు రవిశాస్త్రి, ఇటు బీసీసీఐ ఇతర మార్గాలు అన్వేషిస్తున్నారని ఆంగ్ల మీడియాలో వార్తలు వస్తున్నాయి.

ప్రపంచకప్‌ ముగిసిన తర్వాత రవిశాస్త్రి ఒప్పందం ముగుస్తుంది. దాంతో బీసీసీఐ మళ్లీ ప్రధాన కోచ్‌, సహాయ కోచ్‌ల కోసం కొత్తగా దరఖాస్తులు ఆహ్వానిస్తుంది. కోచ్‌ పదవికి వయో పరిమితి ఎప్పటిలాగే 60ఏళ్లు ఉంటుంది. దరఖాస్తులు చేసిన వారిని బీసీసీఐ నియమించే క్రికెట్‌ కమిటీ ఇంటర్వ్యూ చేస్తుంది. ఒకవేళ రవిశాస్త్రి పోటీలో లేకుంటే రాహుల్‌ ద్రవిడ్‌ ఎంపికవ్వడం లాంఛనమే!

ఇప్పటికే ద్రవిడ్‌ అండర్‌-19, భారత్‌-ఏ కోచ్‌గా విజయవంతం అయ్యాడు. ఎన్‌సీఏ చీఫ్‌గా రిజర్వు బెంచిని పటిష్ఠంగా మార్చాడు. భారత జట్టులోని అందరితో అతడికి మంచి అనుబంధం ఉంది. పైగా ఈ మధ్యే శ్రీలంకలో భారత జట్టుకు కోచ్‌గా పనిచేశాడు. ‘కుర్రాళ్లతో కలిసి పనిచేయడాన్ని ఆస్వాదించాను. ఇదెంతో బాగుంది. ఇప్పటికైతే నేనేమీ ఆలోచించలేదు. పూర్తి స్థాయి కోచ్‌గా బాధ్యతలు చేపట్టేందుకు ఎన్నో సవాళ్లు ఉంటాయి. అందుకే చేపడతానో లేదో తెలియదు’ అని ద్రవిడ్‌ అప్పుడు అన్నాడు. పైగా ఎన్‌సీఏ చీఫ్‌ పదవికి బీసీసీఐ దరఖాస్తులు ఆహ్వానించడమూ అతడి ఎంపికకు సంకేతాలు ఇస్తోంది.

రవిశాస్త్రి కోచ్‌గా విజయవంతం అయ్యాడనే చెప్పాలి! అతడి నేతృత్వంలో జట్టు ఐసీసీ ట్రోఫీలు మాత్రమే సాధించలేదు. కానీ ప్రతి టోర్నీలో ఫైనల్‌ లేదా సెమీస్‌కు చేరుకుంది. ఇక విదేశాల్లో అద్భుతమైన ప్రదర్శనలు చేసింది. పేస్‌ బౌలింగ్‌ విభాగం మునుపెన్నడూ లేనంత బలంగా మారింది. రిజర్వు బెంచి సైతం పటిష్ఠంగా తయారైంది. కుర్రాళ్లు రాటుదేలారు. వారికి అతడు స్వేచ్ఛనిచ్చాడు. ఇక బౌలింగ్‌ కోచ్‌ భరత్‌ అరుణ్‌, ఫీల్డింగ్‌ కోచ్‌ ఆర్‌.శ్రీధర్‌, బ్యాటింగ్‌ కోచ్‌ విక్రమ్‌ రాఠోడ్‌ సైతం మెరుగైన పనితీరే కనబరిచారు. ఇప్పటికే వారు వివిధ ఐపీఎల్‌ ఫ్రాంచైజీలతో ఒప్పందాలు చేసుకున్నట్టు వార్తలు వస్తున్నాయి. శాస్త్రికి వ్యాఖ్యాత, కోచ్‌, మెంటార్‌గా పుష్కలంగా అవకాశాలు ఉండటం గమనార్హం.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని