ఊసరవెల్లి వజ్రాలు!
close

Updated : 13/10/2021 04:43 IST

ఊసరవెల్లి వజ్రాలు!

మామూలుగా ఉన్నప్పుడు ఒక రంగులో, చాలా చల్లటి వాతావరణంలో మరో రంగులో. ఇలా రంగులు మార్చే వజ్రాలు ఇప్పుడు ఎంతోమందిని ఆకర్షిస్తున్నాయి. అరుదైనవే అయినా ఇలాంటి వజ్రాలు కొత్తవేమీ కావు. వీటిని 1886లోనే గుర్తించారు. సుమారు 200 డిగ్రీల సెంటీగ్రేడ్‌ ఉష్ణోగ్రత వరకు వేడి చేసినా, 24 గంటల కన్నా ఎక్కువసేపు చీకట్లో ఉంచినా ఇవి ఆకుపచ్చ రంగు నుంచి ఊదా లేదా పసుపు రంగులోకి మారతాయి. తాజాగా శాస్త్రవేత్తలు మరో కొత్తరకం ఊసరవెల్లి వజ్రాలను గుర్తించారు. ద్రవ నత్రజనిలో లేదా -196 డిగ్రీల సెంటీగ్రేడ్‌ ఉష్ణోగ్రత వరకు చల్లబరిచితే ఇవి బూడిద రంగు నుంచి పసుపు రంగులోకి మారిపోవటం విశేషం. వీటినే అతిశీతల (క్రయోజెనిక్‌) వజ్రాలనీ పిలుచుకుంటున్నారు. వజ్రాల్లోని అణువులు తక్కువగా కంపించేలా చేయటానికి ప్రయోగశాలల్లో వజ్రాలను చల్లబరచటం మామూలే. ఇది వజ్రాలను మరింత కచ్చితమైన కొలతలతో కత్తిరించటానికీ వీలు కల్పిస్తుంది. ఇందుకోసం కొందరు ద్రవ నత్రజనిని వాడుతుంటారు. ఈ క్రమంలోనే కొత్తరకం అరుదైన వజ్రాలు బయటపడ్డాయి. అతి చల్లదనమే వీటికి అరుదైన గుర్తింపు తెచ్చిపెడుతోంది.


Tags :

మరిన్ని

జిల్లా వార్తలు

తాజా వార్తలు

మరిన్ని

వెబ్ ప్రత్యేకం

దేవ‌తార్చ‌న