జన్యువులతోనే ఆడవారికి ల్యూపస్‌ ఎక్కువ

ల్యూపస్‌ బారినపడ్డవారిలో ముఖానికి రెండు వైపులా సీతాకోక చిలుక ఆకారంలో దద్దు వస్తుంటుంది. ఒంట్లో ఇతరత్రా ఇబ్బందులూ తలెత్తుతుంటాయి. ల్యూపస్‌ మన రోగనిరోధకశక్తి పొరపాటున మన కణాల మీదే దాడి చేయటం వల్ల తలెత్తే సమస్య. మగవారి కన్నా ఆడవారికి దీని ముప్పు 9 రెట్లు ఎక్కువ. దీనికి కారణం రోగనిరోధక వ్యవస్థలో పాలు పంచుకునే రెండు జన్యువుల్లో తలెత్తే మార్పులేనని తాజా అధ్యయనం పేర్కొంటోంది. ల్యూపస్‌తో బాధపడుతున్న, ల్యూపస్‌ లేనివారిని ఎంచుకొని పరిశోధకులు ఈ జన్యువుల తీరును పరిశీలించారు. వీటిల్లో మార్పుల ఆధారంగా ల్యూపస్‌ ముప్పును అంచనా వేయొచ్చనీ గుర్తించారు. దీని ముప్పు పెరగటానికి దోహదం చేసే జన్యువులు ఆడవారిలోనే ఎక్కువగా ఉంటున్నాయని, అందుకే ల్యూపస్‌ వీరిలో ఎక్కువగా కనిపిస్తోందని పరిశోధకులు చెబుతున్నారు.