Mamata Banerjee: భవానీపుర్ మమతదే
ఉప ఎన్నికల్లో ఘన విజయం సాధించి పశ్చిమబెంగాల్ ముఖ్యమంత్రి మమతా బెనర్జీ తన సత్తా చాటుకున్నారు. ఆదివారం చేపట్టిన ఓట్ల లెక్కింపులో భవానీపుర్ నియోజకవర్గం నుంచి ఆమె తన
భవానీపుర్లో పశ్చిమ బెంగాల్ సీఎం సరికొత్త రికార్డు
మొత్తం మూడుచోట్లా తృణమూల్ విజయభేరి
కోల్కతా: ఉప ఎన్నికల్లో ఘన విజయం సాధించి పశ్చిమబెంగాల్ ముఖ్యమంత్రి మమతా బెనర్జీ తన సత్తా చాటుకున్నారు. ఆదివారం చేపట్టిన ఓట్ల లెక్కింపులో భవానీపుర్ నియోజకవర్గం నుంచి ఆమె తన సమీప ప్రత్యర్థి ప్రియాంక టిబ్రెవాల్ (భాజపా)పై రికార్డు స్థాయిలో 58,835 ఓట్ల ఆధిక్యంతో నెగ్గారు. బెంగాల్లోని సంసేర్గంజ్ (ఆధిక్యం: 26,379 ఓట్లు), జంగీపుర్ (ఆధిక్యం: 92,480 ఓట్లు) నియోజకవర్గాల్లోనూ తృణమూల్ అభ్యర్థులే విజయం సాధించారు. ఇటీవల జరిగిన శాసనసభ ఎన్నికల్లో తన పార్టీని విజయతీరానికి చేర్చగలిగిన మమత.. నందిగ్రామ్లో మాత్రం చతికిలపడిన విషయం తెలిసిందే. ఉప సమరంలో భవానీపుర్ బరిలో దిగిన ఆమె విజయంపై రాజకీయ వర్గాలు మొదటి నుంచీ ధీమాగానే ఉన్నాయి. అందుకే గెలుపుపై కంటే ఆధిక్యంపైనే అవి అంచనాలు వేశాయి.
కంచుకోట.. రికార్డు మోత..
కోల్కతా నడిబొడ్డున ఉన్న భవానీపుర్లో ఇంతవరకు ఏ అభ్యర్థీ సాధించని ఆధిక్యాన్ని మమత నమోదు చేయడంతో తృణమూల్ వర్గాల్లో హర్షాతిరేకాలు వ్యక్తమయ్యాయి. మమతకు 85,263 ఓట్లు రాగా, టిబ్రెవాల్కు 26,428 ఓట్లు లభించాయి. ఏప్రిల్-మే మధ్య జరిగిన ఎన్నికల్లో భవానీపుర్ నుంచి తృణమూల్ అభ్యర్థి సోవన్దేవ్ ఛటోపాధ్యాయ 28 వేల ఓట్ల ఆధిక్యంతో నెగ్గారు. ఈసారి అది రెట్టింపునకు పైగా పెరిగింది. ఈ నియోజకవర్గం 2011 నుంచి తృణమూల్కి కంచుకోట. మమత సొంత ఇల్లు ఇక్కడే ఉంది. మరోవైపు.. భాజపా నుంచి ఇంకో నలుగురు శాసనసభ్యులు తృణమూల్లోకి వెళ్లబోతున్నారనే సమాచారం కమలనాథులను కలవరపెడుతోంది. మరోవైపు, మమత ఇకపై జాతీయ రాజకీయాలపై దృష్టి సారిస్తారని ప్రచారం మొదలైంది.
కుట్రను తిప్పికొట్టారు: మమత
భవానీపుర్ ప్రజలకు మమత కృతజ్ఞతలు తెలిపారు. ‘నందిగ్రామ్లో ఓడించినట్లే ఇక్కడా చేయాలని కుట్ర పన్నినవారికి ప్రజలు ధీటుగా సమాధానమిచ్చారు’ అని వ్యాఖ్యానించారు.
ఒడిశాలోని పిపిలిలో బిజద విజయం
గోపాలపూర్, న్యూస్టుడే: ఒడిశాలోని పూరీ జిల్లా పిపిలి అసెంబ్లీ స్థానానికి జరిగిన ఉప ఎన్నికల్లో బిజూ జనతాదళ్ (బిజద) అభ్యర్థి రుద్రప్రతాప్ మహారథి 20,916 ఓట్ల తేడాతో భాజపాపై విజయం సాధించారు. కాంగ్రెస్ అభ్యర్థి ధరావతు కోల్పోయారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
కొత్తవారొచ్చారు
ఆంధ్రప్రదేశ్ నిఘా విభాగాధిపతిగా సీనియర్ ఐపీఎస్ అధికారి కుమార్ విశ్వజిత్ను, విజయవాడ నగర పోలీసు కమిషనర్గా పీహెచ్డీ రామకృష్ణను కేంద్ర ఎన్నికల సంఘం నియమించింది. -
యథా రాజ... తథా విద్య!
విద్య లేని వాడు వింత పశువు... మరి విద్యా వ్యవస్థను సర్వనాశనం చేసేవారిని ఏమనాలి? పాఠశాల విద్యార్థులను బైజూస్,బకలారియేట్ విధానాలతో కలవరపెట్టి.. స్కూళ్లలో ఉపాధ్యాయుల ఉనికే లేకుండా చేసి... ఎయిడెడ్ పాఠశాలలను బెదిరించి...మూయించి... ఇంటర్ విద్యార్థులకిచ్చే ఉచిత పుస్తకాల పంపిణీ రద్దు చేసి.. ఇంటర్న్షిప్ పేరుతో డిగ్రీ విద్యార్థులతో రొయ్యలు ఒలిపించి.. పీజీ విద్యార్థుల ఫీజు రీయింబర్స్మెంట్ రద్దు చేసి.. విశ్వవిద్యాలయాలను రాజకీయ కార్యకలాపాలకు బలిచేసి... చదువుకోవాలనుకునే వారిని పక్కరాష్ట్రాలకు వలస పంపించింది అక్షరాలా... జగన్ సర్కారే! -
ప్రజా రక్షకులు కారు.. వైకాపా సేవకులు!
ఖాకీలంటే... ప్రజారక్షణకు రాఖీలు... కానీ జగన్ హయాంలో కొందరు... వైకాపా పోకిరీలుగా మారి... అధికార పార్టీకి చాకిరీ చేశారు. స్వతంత్రంగా నిష్పాక్షికంగా వ్యవహరిస్తూ- ప్రజల ప్రాణాలు, ఆస్తిపాస్తులు, వారి హక్కులు, గౌరవమర్యాదలను కాపాడటం పోలీసుల విధ్యుక్త ధర్మం. -
‘కోడ్’ కొండెక్కుతోంది?
ఎన్నికల కోడ్ అమల్లో ఉండగా ఆంధ్ర విశ్వవిద్యాలయం సైన్స్ కళాశాల ఆధ్వర్యంలో ఈ నెల 26న ‘ఎచీవర్స్ డే’ పేరుతో భారీ సమావేశం నిర్వహిస్తుండటంపై అనుమానాలు వ్యక్తమవుతున్నాయి. -
ఐఏఎస్ అధికారి గుల్జార్పై నిప్పులు చెరిగిన హైకోర్టు
ఓ వ్యక్తికి కారుణ్య నియామకం కింద ఉద్యోగం ఇచ్చే విషయంలో హైకోర్టు ఆదేశాలకు భిన్నంగా ఉత్తర్వులిచ్చిన ఐఏఎస్ అధికారి, ఆర్థికశాఖ పూర్వ ముఖ్య కార్యదర్శి ఎన్.గుల్జార్పై హైకోర్టు నిప్పులు చెరిగింది. -
ఇదీ సంగతి!
తాజా వార్తలు (Latest News)
-
ఒకే ద్విచక్రవాహనంపై ప్రయాణం.. బస్సు ఢీకొని నలుగురు ఇంటర్ విద్యార్థుల మృతి
-
టీ20 ప్రపంచకప్నకు టీమ్ ఇండియాను మీరే ఎంపిక చేయండి!
-
సరిహద్దు దాటిన మానవత్వం.. భారతీయుడి దానంతో పాక్ యువతికి కొత్త జీవితం
-
టీ20 వరల్డ్ కప్.. ‘‘ధోనీ వైల్డ్ కార్డ్ ఎంట్రీ ఇస్తే బాగుంటుంది’’
-
నేటి రాశి ఫలాలు.. 12 రాశుల ఫలితాలు ఇలా... (25/04/24)
-
ఎన్నికల బరిలో ‘పొలిమేర’ నటి..