AP News: ట్విటర్‌లో విజయసాయి, రఘురామ వాగ్బాణాలు

ఈనాడు-అమరావతి: ఎంపీలు విజయసాయిరెడ్డి, రఘురామకృష్ణరాజు మధ్య గురువారం ట్విటర్‌ వేదికగా మాటల యుద్ధం నడిచింది. ‘జీవితాన్ని రొచ్చు చేసుకున్నావు కదా రాజా! ఏదో ఆస్తినో (ప్రాపర్టీనో), వాహనాలనో అద్దెకు ఇచ్చినట్లు నిన్ను నువ్వే బాడుగకు ఇచ్చుకుని పెయిడ్‌ మైక్‌ అయ్యావు. లెక్క పంపిస్తే ట్వీట్లు, స్టేట్‌మెంట్లు ఏదైనా చేస్తావు. ఇంత నీచపు జీవితం భారంగా లేదూ? గెలిపించిన ప్రజలను తాకట్టు పెట్టేశావు కదా!’ అని విజయసాయి ట్వీట్‌ చేశారు. ‘అవునా? నా జీవితం నీకు, ఏ1కు భారంగా ఉందనే కదా నన్ను కడతేర్చాలనుకున్నారు. పాపం వివేకానందరెడ్డిలా! ప్రజల ఆస్తుల్ని తాకట్టు పెట్టి సొమ్ములు దోచేస్తున్న మిమ్మల్ని రొచ్చులో తొక్కే రోజు దగ్గర పడింది మిస్టర్‌ ఏ2..!’ అని రఘురామకృష్ణరాజు సమాధానమిచ్చారు.