Metro Brands Q3 Results: మెట్రో బ్రాండ్స్ లాభాల్లో 54.63% వృద్ధి
ఇటీవలే స్టాక్ మార్కెట్లో లిస్టయిన ఫుట్వేర్ రిటైల్ చైన్ మెట్రో బ్రాండ్స్ మూడో త్రైమాసికంలో అద్భుతమైన ఫలితాలు ప్రకటించింది.....
దిల్లీ: ఇటీవలే స్టాక్ మార్కెట్లో లిస్టయిన ఫుట్వేర్ రిటైల్ చైన్ మెట్రో బ్రాండ్స్ మూడో త్రైమాసికంలో అద్భుతమైన ఫలితాలు సాధించింది. కంపెనీ నికర లాభాలు రూ.100.85 కోట్లుగా నమోదయ్యాయి. క్రితం ఏడాది అక్టోబరు-డిసెంబరు త్రైమాసికంలో వచ్చిన రూ.65.22 కోట్లతో పోలిస్తే 54.63 శాతం వృద్ధి కనబడింది. కార్యకలాపాల ద్వారా వస్తున్న ఆదాయం 59.02 శాతం పెరిగి రూ.483.77 కోట్లుగా నమోదయ్యాయి. సంస్థ వ్యయాలు సైతం 47.26 శాతం పెరిగి రూ.362.59 కోట్లకు చేరాయి. గతేడాది వ్యయాలు రూ.246.21 కోట్లుగా ఉన్నాయి. కంపెనీ చరిత్రలో ప్యాట్ (PAT), ఎబిట్డా (EBITDA) పరంగా అద్భుతమైన త్రైమాసిక ఫలితాలు ఇవేనని సంస్థ సీఈవో నిస్సాన్ జోసెఫ్ తెలిపారు. ఈ-కామర్స్, ఓమ్నీఛానెల్తో పాటు వివిధ పట్టణాల్లోని తమ ఔట్లెట్ల కార్యకలాపాల్లో గణనీయ వృద్ధి కనిపించిందని వెల్లడించారు.
డిసెంబరులో స్టాక్ ఎక్స్ఛేంజీల్లో లిస్టయిన మెట్రో బ్రాండ్స్.. పబ్లిక్ ఇష్యూ ద్వారా రూ.295 కోట్లు సమీకరించింది. అలాగే, మరో ఫుట్వేర్ బ్రాండ్ ఫిట్ఫ్లాప్తో వ్యూహాత్మక భాగస్వామ్యం కుదుర్చుకోనున్నట్లు శుక్రవారం రెగ్యులేటరీ ఫైలింగ్లో మెట్రోబ్రాండ్స్ తెలిపింది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
నెస్లే ఉత్పత్తులపై ఆరోపణలు.. FSSAIకి సీసీపీఏ ఆదేశాలు
-
నేడు చంద్రబాబు తరఫున నామినేషన్.. నారా భువనేశ్వరి ప్రత్యేక పూజలు
-
ఓటేయకపోయినా పర్లేదు.. మీ కుమారుడిని ఆశీర్వదించండి: ఏకే ఆంటోనీకి రాజ్నాథ్ సూచన
-
పవర్ప్లేలో రెండు ఓవర్లు వేస్తేనే..: జస్ప్రీత్ బుమ్రా
-
భారాసకు మరో ఎమ్మెల్యే గుడ్బై!
-
రివ్యూ: పారిజాత పర్వం.. క్రైమ్ కామెడీ థ్రిల్లర్ ఎలా ఉంది?