తెలుగు రాష్ట్రాల్లో మరో 150 శాఖలు: ముత్తూట్‌ మినీ ఫైనాన్షియర్స్‌

ఈనాడు, హైదరాబాద్‌: బ్యాంకింగేతర ఆర్థిక సేవల సంస్థ (ఎన్‌బీఎఫ్‌సీ) ముత్తూట్‌ మినీ ఫైనాన్షియర్స్‌, దేశవ్యాప్తంగా కొత్త శాఖలను పెద్దఎత్తున ఏర్పాటు చేయనుంది. తద్వారా ఈ ఏడాదిలో 1000 శాఖలకు చేరుకోనున్నట్లు ముత్తూట్‌ మినీ ఫైనాన్షియర్స్‌ ప్రకటించింది. ఇందులో భాగంగా తెలంగాణ, ఆంధ్రప్రదేశ్‌ రాష్ట్రాల్లో 150 కొత్త శాఖలు ఏర్పాటు చేస్తామని పేర్కొంది. దీనివల్ల తెలుగు రాష్ట్రాల్లో కొత్తగా 600 మందికి ఉద్యోగాలు లభిస్తాయని వెల్లడించింది. కాకినాడ, జంగారెడ్డిగూడెం, కొయ్యలగూడెం, కామవరపుకోట, దేవరపల్లిలో కొత్త శాఖలను ప్రారంభించినట్లు ముత్తూట్‌ మినీ ఫైనాన్షియర్స్‌ ఎండీ మాథ్యూ తెలిపారు.