TRAI: ఫోన్‌ చేసిన వారెవరో తెలిసిపోతుంది..!

మొబైల్‌ నెంబర్లకు కేవైసీ అనుసంధానం

దిల్లీ: ఎవరైనా ఫోన్‌ చేసినప్పుడు మొబైల్‌ తెర మీద వారి పేరు వచ్చేలా ఏర్పాట్లు చేయాలని టెలికాం నియంత్రణ సంస్థ (ట్రాయ్‌) ప్రతిపాదనలు సిద్ధం చేస్తోంది. ఇప్పటివరకు మన మొబైల్‌లో పేరు-నెంబరు నిల్వ చేసుకుంటేనే, సదరు వ్యక్తులు ఫోన్‌ చేసినప్పుడు వారి పేరు మొబైల్‌ తెరపై కనపడుతుంది. ట్రాయ్‌ ప్రతిపాదన ప్రకారం, మనకు పరిచయం లేని వారు ఫోన్‌ చేసినా కూడా, వారి పేరు మనకు కనపడుతుంది. దీనికి అవసరమైన చర్యలు తీసుకునేందుకు టెలికాం విభాగం (డాట్‌)తో ట్రాయ్‌ సమాలోచనలు నిర్వహించనుంది. త్వరలోనే ఇవి ప్రారంభం అయ్యే అవకాశాలున్నాయని ట్రాయ్‌ ఛైర్మన్‌ పీడీ వాఘేలా తెలిపారు. ఈ ప్రతిపాదనపై తమతో పాటు టెలికాం విభాగమూ ఒకేరకంగా స్పందించినట్లు పేర్కొన్నారు.