కరూర్‌ వైశ్యాబ్యాంక్‌ లాభం రెట్టింపు

దిల్లీ: కరూర్‌ వైశ్యాబ్యాంక్‌ మార్చి త్రైమాసికానికి రూ.213.47 కోట్ల నికరలాభాన్ని నమోదు చేసింది. 2020-21 ఇదే త్రైమాసిక లాభం రూ.104.37 కోట్లతో పోలిస్తే, ఇది రెట్టింపు కంటే అధికం. ఇదే సమయంలో మొత్తం ఆదాయం రూ.1518.39 కోట్ల నుంచి 6.3 శాతం పెరిగి రూ.1614.75 కోట్లకు చేరింది. వడ్డీ ఆదాయం 4.4 శాతం అధికంగా రూ.1409.27 కోట్లకు చేరినట్లు బ్యాంక్‌ ప్రకటించింది. 2021-22 పూర్తి ఆర్థిక సంవత్సరానికి నికరలాభం రూ.673.27 కోట్లకు చేరింది. 2020-21లో నమోదైన రూ.359.39 కోట్ల కంటే ఇది 87.3 శాతం ఎక్కువ. ఇదే సమయంలో ఆదాయం రూ.6389.25 కోట్ల నుంచి రూ.6356.73 కోట్లకు తగ్గింది. 2021-22కు ప్రతి షేరుకు రూ.1.60 చొప్పున డివిడెండ్‌ చెల్లించాలని డైరెక్టర్ల బోర్డు ప్రతిపాదించింది.