బ్యాంకింగ్‌పై నమ్మకం ఉంటే..

నవీ నిఫ్టీ బ్యాంక్‌ ఇండెక్స్‌ ఫండ్‌

నవీ మ్యూచువల్‌ ఫండ్‌ బ్యాంక్‌ నిఫ్టీ ఆధారిత మ్యూచువల్‌ ఫథకాన్ని కొత్తగా ఆవిష్కరించింది. నవీ నిఫ్టీ బ్యాంక్‌ ఇండెక్స్‌ ఫండ్‌ అనే ఈ పథకం  ఎన్‌ఎఫ్‌ఓ ముగింపు తేదీ ఈ నెల 31. ఎన్‌ఎఫ్‌ఓలో కనీస పెట్టుబడి రూ.500. ఇది ఓపెన్‌ ఎండెడ్‌ పథకం. ఫండ్‌ నిర్వహణ వ్యయాలూ తక్కువ. డైరెక్ట్‌ ప్లాన్‌లో వ్యయాల నిష్పత్తి (ఎక్స్‌పెన్సెస్‌ రేషియో) 0.12 శాతం మాత్రమే. ఈ పథకం కింద ప్రధానంగా బ్యాంకింగ్‌ రంగంలోని 12 అగ్రశ్రేణి బ్యాంకులపై పెట్టుబడి పెడతారు. నిఫ్టీ బ్యాంక్‌ ఇండెక్స్‌ గత ఏడాది కాలంలో 14 శాతం ప్రతిఫలాన్ని ఇచ్చింది. గత 5 ఏళ్లలో 12.5 చొప్పున, గత 10 ఏళ్లలో 16.9 శాతం చొప్పున వార్షిక వృద్ధి కనిపించింది. మనదేశ ఆర్థిక వ్యవస్థ త్వరలో 5 ట్రిలియన్‌ డాలర్లకు చేరుతుందనే అంచనాలు ఉన్న విషయం విదితమే. ఆ క్రమంలో బ్యాంకింగ్‌ రంగం క్రియాశీలకమైన పాత్ర పోషించాల్సి ఉంటుంది. అదే జరిగితే బ్యాంకులు విశేషంగా లాభపడతాయి. నవీ నిఫ్టీ బ్యాంక్‌ ఇండెక్స్‌ ఫండ్‌ ద్వారా ఈ వృద్ధి అవకాశాలను అందిపుచ్చుకునే అవకాశం ఉంటుంది.