దావూద్‌ ఇబ్రహీం అనుచరుడు మజీద్‌ అరెస్టు

జంషెడ్‌పుర్‌: అండర్‌వరల్డ్‌ డాన్‌ దావూద్‌ ఇబ్రహీం అనుచరుడు అబ్దుల్‌ మజీద్‌ కుట్టీని గుజరాత్‌ ఉగ్రవాద నిరోధక దళం (ఏటీఎస్‌) అరెస్టు చేసింది. 24 ఏళ్లుగా తప్పించుకొని తిరుగుతున్న అతడిని జంషెడ్‌పుర్‌లో అదుపులోకి తీసుకున్నారు. 1997లో గణతంత్ర దినోత్సవం రోజున గుజరాత్‌, మహారాష్ట్రలో పేలుళ్లకు దావూద్‌ పన్నిన కుట్రలో మజీద్‌ భాగస్వామి అని అధికారులు స్పష్టం చేశారు. 24 ఏళ్లుగా పరారీలో ఉన్న మజీద్‌ ఝార్ఖండ్‌లో కొన్నేళ్లుగా గుట్టుచప్పుడు కాకుండా నివసిస్తున్నట్లు గుర్తించారు. పేలుళ్లకు సంబంధించి 106 తుపాకులు, 4 కిలోల మందుగుండు, మరికొన్ని పేలుడు సామగ్రిని విక్రయించిన కేసులో మజీద్‌ నిందితుడు. ముంబయి పేలుళ్ల కేసులోనూ అతడు నిందింతుడు.

ఇవీ చదవండి...

భార్యను హత్య చేసి... సాక్ష్యాలను మార్చేసి...!

నమ్మితే అత్యాచారం చేశాడు