క్షణాల్లో లక్షలు లూఠీ!

ఇంటర్నెట్‌ డెస్క్‌: ఉత్తర్‌ప్రదేశ్‌లోని రాంపుర్‌లో జరిగిన ఓ చోరీ ఉదంతమిది. సినిమా ఫక్కీలో జరిగిన ఈ ఘటనలో లక్షల రూపాయల నగదును లూఠీ చేశారు దుండగులు. అది కూడా క్షణాల వ్యవధిలోనే. ఫ్లిప్‌కార్ట్‌కు చెందిన గిడ్డంగిలో ఈ దొంగతనం జరిగింది. వివరాల్లోకి వెళితే.. శనివారం రాత్రి పదిగంటలకు గిడ్డంగిలోని ఉద్యోగులు నగదు లెక్కిస్తున్నారు. ఆ సమయంలో అక్కడికి అయిదుగురు దుండగులు తుపాకులు పట్టుకొచ్చారు. ఉద్యోగులను బెదిరించి రూ.లక్షల్లో నగదు ఉన్న డబ్బాను అమాంతం ఎత్తుకెళ్లారు. ఇదంతా కేవలం 18 సెకన్లలో జరిగింది. చోరీ జరిగిన తీరు మొత్తం అక్కడి సీసీ కెమెరాల్లో రికార్డు అయ్యింది. ఈ ఘటన గురించి పోలీసులకు సమాచారం ఇచ్చినట్లు గిడ్డంగి ఇంఛార్జి అనుమూల్ కశ్యప్‌ తెలిపారు. అయితే దుండగులు దోచుకెళ్లిన నగదు ఎంతన్నది ఇంకా తెలియరాలేదు.