Updated : 01/10/2020 20:23 IST

మెదక్‌ జిల్లా పిట్టలవాడలో విషాదం

చెరువులో మునిగి ముగ్గురు చిన్నారుల మృతి

తూప్రాన్‌: మెదక్‌ జిల్లా మనోహరాబాద్‌ మండలంలో విషాదం చోటుచేసుకుంది. దండుపల్లి పంచాయతీ పిట్టలవాడ గ్రామం చెరువులో ఆడుకునేందుకు వెళ్లి ముగ్గురు చిన్నారులు నీట మునిగి మృతిచెందారు. స్థానిక ఎస్సై రాజు తెలిపిన వివరాల ప్రకారం.. పిట్టలవాడకు చెందిన రవి (6), నవీన్‌ (5), అఖిల(6) అనే చిన్నారులు మరో ఇద్దరితో కలిసి గురువారం ఆడుకుంటూ చెరువు సమీపంలోకి వెళ్లారు. 

ఈ క్రమంలో నీటిలో రాళ్లు వేస్తూ ఆడుకుంటుండగా.. రవి, నవీన్‌, అఖిల ఒకరి తర్వాత ఒకరు చెరువులో మునిగిపోయారు. ఇది గమనించిన మరో ఇద్దరు చిన్నారులు అక్కడి నుంచి ఇళ్లకు చేరుకుని తమ స్నేహితులు నీట మునిగిన విషయాన్ని తల్లిదండ్రులకు చెప్పారు. కుటుంబసభ్యులు అక్కడికి చేరుకునేసరికి చిన్నారులు మృతి చెంది నీటిలో తేలుతుండటాన్ని గమనించారు. దీంతో వారి తల్లిదండ్రులు అక్కడే బోరున విలపించారు. ఈ ఘటనతో దండుపల్లి గ్రామస్థులు పెద్ద ఎత్తున సంఘటనా స్థలానికి వచ్చారు. కేసు నమోదు చేసుకుని మృతదేహాల్ని పోస్టు మార్టం నిమిత్తం తూప్రాన్‌ ఆస్పత్రికి తరలించినట్లు ఎస్సై తెలిపారు. 


Read latest Crime News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని