Crime News: శ్రీకాకుళంలో దారుణం.. ఇద్దరిని చంపి వ్యక్తి ఆత్మహత్యాయత్నం!

ఎచ్చెర్ల: శ్రీకాకుళం జిల్లాలో దారుణం చోటు చేసుకుంది. ఎచ్చెర్ల మండలం ముద్దాడపేటలో ఓ వ్యక్తి ఇద్దరిని చంపి ఆపై ఆత్మహత్యకు యత్నించాడు. భార్య అప్పమ్మతో పాటు తన సోదరి రాజులును హత్య చేసిన వి.సి.అప్పన్న ఆత్మహత్యకు ప్రయత్నించాడు. భార్యను చంపుతుండగా అడ్డొచ్చిన తన తండ్రితో పాటు సోదరి కుమార్తె పద్మను కూడా అప్పన్న గాయపరిచాడు.

మద్యం వద్దని వారించినందుకు అప్పన్న దాడి చేసినట్లు సమాచారం. ఈ ఘటనలో గాయపడిన వారితో పాటు అప్పన్న.. శ్రీకాకుళం జీజీహెచ్‌లో చికిత్స పొందుతున్నారు. స్థానికుల ద్వారా సమాచారం అందుకున్న పోలీసులు ఘటనాస్థలికి చేరుకొని పరిశీలించారు. కేసు నమోదు చేసి దర్యాప్తు చేస్తున్నారు.