Published : 02/03/2021 16:29 IST

పోలీసులకు ఫిర్యాదు చేశాడని కాల్చి చంపారు

ఆగ్రహం వ్యక్తం చేసిన యోగి ఆదిత్యనాథ్‌

లఖ్‌నవూ: ఉత్తరప్రదేశ్‌లోని హత్రాస్‌లో దారుణం జరిగింది. నౌజర్‌పుర్‌ గ్రామానికి చెందిన ఓ రైతును అతడి పొలంలోనే కొందరు దుండగులు కాల్చి చంపారు. తన కుమార్తెను వేధించారని ఫిర్యాదు చేసిన రైతుపై కక్ష పెంచుకున్న కొందరు దుండగులు ఈ దారుణానికి పాల్పడ్డారు. రైతుపై ఏడుగురు వ్యక్తులు దాడి చేసినట్లు అతడి కుటుంబసభ్యులు ఆరోపించారు. గౌరవ్‌శర్మ అనే వ్యక్తితోపాటు మరికొందరు తన కుమార్తెను వేధిస్తున్నారని పేర్కొంటూ రైతు అమ్రిశ్‌ కుమార్‌ వర్మ (48) 2018లో పోలీసులకు ఫిర్యాదు చేశారు. అయితే కేసు వెనక్కి తీసుకోవాలంటూ గౌరవ్‌శర్మ సహా మిగతావారు రైతును బెదిరించారు. అయినప్పటికీ అమ్రిశ్‌ కుమార్‌ వర్మ కేసు వెనక్కి తీసుకోలేదు. దీంతో అతడిపై కోపం పెంచుకున్న దుండగులు రైతు పొలం వద్ద పనిచేస్తుండగా తుపాకులతో కాల్చి హత్య చేశారు. ఈ ఘటనపై ఆ రాష్ట్ర ముఖ్యమంత్రి యోగి ఆదిత్యనాథ్‌ ఆగ్రహం వ్యక్తం చేశారు. నిందితులను 24 గంటల్లోగా పట్టుకోవాలని పోలీసు అధికారులను ఆదేశించారు. నలుగురిపై కేసు నమోదు చేసిన పోలీసులు ప్రధాన నిందితుడైన గౌరవ్‌ శర్మ సహా మరో వ్యక్తిని అరెస్టు చేశారు.


Read latest Crime News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని