Updated : 09/02/2020 07:40 IST

యువతిపై సామూహిక అత్యాచారం

నిందితులు ఆరుగురూ మైనర్లే!

మహబూబాబాద్‌ రూరల్‌: యువతి(24)ని నమ్మించిన బాలుడు పథకం ప్రకారం ఆమెను ఒక ప్రదేశానికి తీసుకెళ్లి అక్కడ తన ఐదుగురు స్నేహితులతో కలిసి సామూహిక అత్యాచారానికి తెగబడ్డాడు. నిందితులంతా 17 ఏళ్ల వయసులోపు వారే. ఈ దారుణం శనివారం మహబూబాబాద్‌ గ్రామీణ మండలంలో వెలుగు చూసింది. ఓ తండాకు చెందిన బాలుడు (16) హైదరాబాద్‌లో క్యాటరింగ్‌ పనులు చేస్తుండేవాడు. అక్కడ అతనికి భద్రాద్రి కొత్తగూడెం జిల్లా ఇల్లెందు మండలానికి చెందిన ఓ యువతితో పరిచయం ఏర్పడింది. ఇటీవల స్వగ్రామానికి వచ్చిన ఆ బాలుడు యువతికి ఫోన్‌చేసి తన ఇంటికి రావాల్సిందిగా ఆహ్వానించాడు. శుక్రవారం సాయంత్రం మహబూబాబాద్‌ పట్టణానికి చేరుకున్న ఆమెను తొలుత ఆటోలో తండాకు తీసుకెళ్లి అక్కడి నుంచి సమీపాన ఉన్న మామిడి తోటకు తీసుకెళ్లాడు. అప్పటికే అక్కడ తండాకే చెందిన ఇద్దరు, మహబూబాబాద్‌ పట్టణానికి చెందిన ఇద్దరు, తొర్రూరుకు చెందిన ఓ బాలుడు ఉన్నారు. పథకం ప్రకారం ఆ యువతిపై సామూహిక అత్యాచారానికి తెగబడ్డారు. రాత్రి 10 గంటల సమయంలో అరుపులు విని రహదారిపై వెళ్తున్న ఒకరు డయల్‌ 100కు సమాచారమందించారు. అక్కడికి చేరుకున్న పోలీసులు ఆరుగురిని అదుపులోకి తీసుకుని యువతిని వైద్య పరీక్షల నిమిత్తం ప్రభుత్వాసుపత్రికి తరలించారు. ఆరుగురిపై కేసు నమోదుచేసి పూర్తిస్థాయి దర్యాప్తు చేయనున్నట్లు సీఐ వెంకటరత్నం వెల్లడించారు.

Read latest Crime News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని