Crime News: ప్రేమించలేదని నడిరోడ్డుపై పొడిచి చంపాడు..

పుణె: వెంటపడుతున్నా ప్రేమించడం లేదన్న కక్షతో.. 14 ఏళ్ల బాలికను నడిరోడ్డుపై కిరాతకంగా పొడిచి చంపాడో ఉన్మాది. మహారాష్ట్రలోని పుణెలో మంగళవారం జరిగిన ఈ దారుణం కలకలం రేపింది. 8వ తరగతి చదివే బాలిక సాయంత్రం పూట పుణె పట్టణంలోని బిబేవాడీ ప్రాంతంలో కబడ్డీ ప్రాక్టీసుకు వెళ్తుండగా ముగ్గురు యువకులు బైకుపై వచ్చి అటకాయించారు. బాలికకు దూరపు బంధువైన 22 ఏళ్ల యువకుడూ వీరిలో ఉన్నాడు. ముగ్గురూ కలిసి పదునైన ఆయుధంతో బాలికను పలుమార్లు పొడిచి చంపారు. బంధువైన యువకుడు కొన్నాళ్లుగా ప్రేమించాలంటూ ఆ బాలిక వెంటపడుతున్నాడని, అతడే తన స్నేహితులతో కలిసి ఈ ఘాతుకానికి తెగించాడని పోలీసులు చెప్పారు. పరారీలో ఉన్న వారి కోసం విస్తృతంగా గాలిస్తున్నారు.