Updated : 09/11/2021 17:30 IST

Crime News: కామాంధుల వికృత కేళి.. పది రోజుల్లో ముగ్గురిపై అఘాయిత్యం

 అనంతరం ఒకరిని హత్యచేసిన నిందితుడు

 మరో ఘటనలో పసికందుపై..

దేశంలో అత్యాచార ఘటనలు రోజురోజుకు పెరిగిపోతున్నాయి. గుజరాత్‌లోని గాంధీనగర్‌ జిల్లా కలోల్‌ మండలం వన్సజదా గ్రామానికి చెందిన విజయ్‌ ఠాకూర్‌(26).. పది రోజుల వ్యవధిలో ముగ్గురిపై అత్యాచారానికి పాల్పడ్డాడు. వారిలో ఒకరిని చంపేశాడు కూడా. రోజు కూలీగా పనిచేసే అతనికి భార్య, కుమార్తె ఉన్నారు. మొబైల్‌ ఫోన్‌లో అతిగా నీలి చిత్రాలు చూసేందుకు అలవాటుపడ్డ విజయ్‌.. నవంబరు 4న రంచర్దా గ్రామంలో ఐదేళ్ల బాలికను అపహరించి అత్యాచారం చేశాడు. బాలికకు నిర్వహించిన వైద్య పరీక్షల్లో ఈ విషయం వెల్లడైంది. అనంతరం నవంబరు అయిదో తేదీ  రాత్రి మూడేళ్ల చిన్నారిని కిడ్నాప్‌ చేసిన విజయ్‌.. ఆమె పెద్దగా కేకలు పెట్టటంతో చంపేశాడు. ఆ తర్వాత అత్యాచారం చేసి.. మృతదేహాన్ని స్థానికంగా ఉన్న కల్వర్టు దగ్గర పడేశాడు. దీంతో రంగంలోకి దిగిన పోలీసులు.. విజయ్‌ను అరెస్ట్‌ చేశారు. కొత్త వస్త్రాలు కొనిస్తానని మాయమాటలు చెప్పి పది రోజుల క్రితం ఏడేళ్ల బాలికపైనా విజయ్‌ అత్యాచారం చేసినట్లు పోలీసుల విచారణలో వెల్లడైంది. 

వలస కూలీల చిన్నారిపై..

గుజరాత్‌లోని సూరత్‌లో దారుణ ఘటన జరిగింది. రెండున్నరేళ్ల పసికందుపై ఓ కామాంధుడు అత్యాచారానికి పాల్పడ్డాడు. బిహార్‌ నుంచి వచ్చిన వలసకూలీల కుటుంబానికి చెందిన ఆ పాప.. దీపావళి రాత్రి ఆడుకుంటూ అదృశ్యమైంది. రంగంలోకి దిగిన పోలీసులు భారీస్థాయిలో గాలింపు చర్యలు చేపట్టారు. చివరకు.. ఆ కుటుంబం ఉంటున్న ఇంటికి కిలోమీటర్‌ దూరంలో ఉన్న ఓ కర్మాగారం వద్ద ఆదివారం శిశువు మృతదేహాన్ని గుర్తించారు. నిందితుడు పసికందును లైంగికంగా వేధించాడని, ఆ తర్వాత గొంతు నులిమి చంపేసినట్లు శవ పరీక్షల్లో వెల్లడైంది. గుడ్డూ యాదవ్‌ అనే వ్యక్తి ఈ దారుణానికి పాల్పడినట్లు పోలీసులు గుర్తించారు. 

Read latest Crime News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని