Updated : 18 Jan 2022 05:40 IST

Crime News: ఏడోఅంతస్తు నుంచి దూకి ఐఐటీ బాంబే విద్యార్థి ఆత్మహత్య

ముంబయి: ఐఐటీ బాంబేకు చెందిన దర్శన్‌ మాలవీయ అనే విద్యార్థి(26) సోమవారం తెల్లవారుజామున ఆత్మహత్యకు పాల్పడ్డాడు. పోలీసులు తెలిపిన వివరాల ప్రకారం.. పీజీ రెండో సంవత్సరం చదువుతున్న దర్శన్‌ సోమవారం తెల్లవారుజామున 4:30 గంటల సమయంలో హాస్టల్‌ ఏడో అంతస్తు నుంచి కిందకు దూకాడు. దర్శన్‌ అచేతన స్థితిలో పడిఉండడం గమనించిన అక్కడి వాచ్‌మన్‌ అధికారులకు సమాచారమిచ్చారు. వారు వెంటనే అక్కడికి చేరుకొని పోలీసులకు సమాచారం అందజేశారు. వెంటనే అతణ్ని ఘట్కోపర్‌లోని రాజావడి ఆసుపత్రికి తరలించారు. కానీ, అప్పటికే అతను మరణించినట్లు వైద్యులు ధ్రువీకరించారు. 

దర్శన్‌ హాస్టల్‌ గదిలో పోలీసులు ఓ లేఖను స్వాధీనం చేసుకున్నారు. అందులో తన చావుకు ఎవరూ బాధ్యులుకారని పేర్కొన్నట్లు పోలీసులు తెలిపారు. తాను గత కొంతకాలంగా ‘డిప్రెషన్‌’లో ఉన్నానని.. దానికి చికిత్స కూడా తీసుకుంటున్నానని లేఖలో ఉన్నట్లు పేర్కొన్నారు. ప్రమాదవశాత్తు జరిగిన మరణం కింద దీనిపై కేసు నమోదు చేసి పోలీసులు దర్యాప్తు ప్రారంభించారు. దర్శన్‌ మధ్యప్రదేశ్‌కు చెందిన విద్యార్థిగా గుర్తించారు. విషయాన్ని అతడి తల్లిదండ్రులకు తెలియజేశారు.

Read latest Crime News and Telugu News

 Follow us on Facebook, Twitter, Instagram, Koo, ShareChat and Google News.

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని