Rajasthan: భాజపా ఎంపీ నివాసంపై కాల్పులు

జైపుర్‌: రాజస్థాన్‌లో భాజపా ఎంపీ రంజీతా కోలీ నివాసంపై మంగళవారం అర్ధరాత్రి గుర్తు తెలియని దుండగులు కాల్పులు జరిపారు. భరత్‌పుర్ జిల్లా బయనాలోని ఆమె ఇంటికి బెదిరింపులతో కూడిన లేఖను సైతం అతికించారు. స్థాయికి మించిన పనుల్లో తలదూర్చితే కాల్చి చంపేస్తామని లేఖలో పేర్కొన్నారు. తమ నుంచి ఎవరూ కాపాడలేరంటూ ఆమెను బెదిరించారు. ఈ ఘటనతో ఎంపీ స్పృహ తప్పి పడిపోయారు. సమాచారం అందుకున్న పోలీసులు ఆమెను ఆసుపత్రిలో చేర్పించారు. ఈ ఏడాది మే 27న కోలీ కారుపై దుండగులు దాడి చేశారు. ఫోన్ చేసి చంపేస్తామంటూ బెదిరించారు. ఇప్పుడు ఏకంగా కాల్పులకు తెగబడ్డారు.