మత్తుమందు ఇచ్చి నేపాలీ ముఠా చోరీ

హైదరాబాద్‌: నాచారం పోలీస్‌ స్టేషన్‌ పరిధిలో మరో నేపాలీ ముఠా చోరీకి పాల్పడింది. ఇంటి యజమానికి మత్తుమందు ఇచ్చి చోరీకి పాల్పడ్డారు. ఇంట్లోవారు శుభకార్యానికి వెళ్లగా వృద్ధురాలికి  మత్తుమందు ఇచ్చారు. అనంతరం రూ.10 లక్షలు, 20 తులాల బంగారాన్ని ఎత్తుకెళ్లారు. అయితే 10 రోజుల క్రితమే ఈ నేపాలీ ముఠా ఆ ఇంట్లో పనిమనుషులుగా చేరారు. అనంతరం అదును చూసి దోపిడికి పాల్పడి పరారయ్యారు. ఈ ఘటనపై సమాచారం అందుకున్న పోలీసులు దర్యాప్తు చేపట్టారు.  నేపాలీ ముఠా కోసం పోలీసులు సీసీటీవీ ఫుటేజీని పరిశీలిస్తున్నారు. ఇలాంటి చోరీ నగరంలో నెల రోజుల వ్యవధిలో రెండోసారి జరగడం చర్చనీయాంశమైంది. ఈనెల 5న రాయదుర్గంలో ఇదే తరహాలో నేపాలీ ముఠా చోరీకి పాల్పడింది. దుండగుల కోసం పోలీసు ప్రత్యేక బృందాలు గాలింపు చేపట్టాయి.