Updated : 18/11/2020 11:50 IST

ఆలస్యంగా వచ్చి.. సిబ్బందిపై దాడి

అహ్మదాబాద్‌: విమానాశ్రయానికి ఆలస్యంగా రావడంతో బోర్డింగ్‌ పాస్‌ ఇవ్వడానికి నిరాకరించిన విమానాశ్రయ అధికారులపై ఓ సబ్‌ఇన్‌స్పెక్టర్‌ దాడికి పాల్పడ్డారు. ఈ ఘటన గుజరాత్‌లోని అహ్మదాబాద్‌ విమానాశ్రయంలో చోటుచేసుకుంది. దుర్భాషలాడుతూ స్పైస్‌జెట్‌ అధికారులపై చేయిచేసుకున్నారు.

‘నవంబర్‌ 17న ముగ్గురు ప్రయాణికులు దిల్లీకి వెళ్లేందుకు టికెట్‌ బుక్‌ చేసుకున్నారు. అందులో ఓ పోలీసు అధికారి ఉన్నారు. కానీ వారు ఆలస్యంగా రావడంతో బోర్డింగ్‌ పాస్‌ ఇచ్చేందుకు నిరాకరించాం. దీంతో వారు కౌంటర్‌ వద్ద గొడవకు దిగారు’ అని విమానాశ్రయం అధికారులు ఓ న్యూస్‌ ఏజెన్సీకి వెల్లడించారు. తీవ్ర వాదనకు దిగిన సబ్‌ ఇన్‌స్పెక్టర్‌ అధికారులపై చేయిచేసుకున్నట్లు వారు పేర్కొన్నారు. 

ఇన్‌స్పెక్టర్‌ దాడికి పాల్పడటంతో విమానాశ్రయంలో ఉద్రిక్త పరిస్థితులు ఏర్పడ్డాయి. దీంతో రంగంలోకి దిగిన ఎయిర్‌పోర్ట్‌ అధికారులకు, సీఐఎస్‌ఎఫ్‌ సిబ్బందికి పరిస్థితిని అదుపులోకి తీసుకొచ్చారు. అధికారులు ఈ విషయాన్ని స్థానిక పోలీసులకు సైతం వెల్లడించారు. దీంతో ఆ ముగ్గురు ప్రయాణికులు విమానాశ్రయ సిబ్బందితో సంధి కుదుర్చుకున్నట్లు తెలిసింది. దీంతో అధికారులు వారిపై ఇచ్చిన ఫిర్యాదును వెనక్కి తీసుకున్నట్లు సమాచారం.

Read latest Crime News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని