TS News: ఈఎస్‌ఐ ఔషధాల  కుంభకోణం... రూ.144 కోట్ల విలువైన ఆస్తులు అటాచ్‌ చేసిన ఈడీ

హైదరాబాద్‌: ఈఎస్‌ఐ ఔషధాల కుంభకోణంలో మనీలాండరింగ్‌ చట్టం కింద ఇప్పటి వరకు రూ.144 కోట్ల విలువైన ఆస్తులు అటాచ్‌ చేసినట్టు ఈడీ తెలిపింది.  ఈ కేసులో ఐదుగురు నిందితుల ఆస్తులు అటాచ్‌ చేసినట్టు ఈడీ అధికారులు వెల్లడించారు. ఈఎస్ఐ మాజీ డైరెక్టర్‌ దేవికారాణి, మాజీ జేడీ పద్మజ, ఫార్మాసిస్టు కె.నాగమణి, కాంట్రాక్టర్లు కె.శ్రీహరిబాబు, పి.రాజేశ్వర్‌రెడ్డిలకు చెందిన మొత్తం 131 స్థిరాస్తులను ఈడీ అటాచ్‌  చేసింది.   తెలంగాణ, ఏపీ, బెంగళూరు, నోయిడాలో ఉన్న 97 ప్లాట్లు, 6 విల్లాలు, 18 కమర్షియల్‌ దుకాణాలు, పలు సెక్యూరిటీలు, ఎఫ్‌డీలు ఇందులో ఉన్నాయి. అనిశా కేసుల ఆధారంగా  ఈడీ అధికారులు దర్యాప్తు చేస్తున్న విషయం తెలిసిందే.