Updated : 16/11/2021 06:46 IST

Crime News: కారు అద్దాల ధ్వంసం.. రూ.25 లక్షల చోరీ

హనుమకొండలో పట్టపగలు ఘటన

వరంగల్‌క్రైం, న్యూస్‌టుడే: నిలిపి ఉన్న కారు అద్దాలను ధ్వంసం చేసి ఓ వ్యక్తి అందులోని రూ.25 లక్షల నగదును దోచుకెళ్లాడు. ఈ ఘటన సోమవారం పట్టపగలు హనుమకొండ పట్టణంలో జరిగింది. హనుమకొండ సుబేదారి ఇన్‌స్పెక్టర్‌ రాఘవేందర్‌ తెలిపిన వివరాల ప్రకారం.. పట్టణంలోని జులైవాడకు చెందిన కె.తిరుపతి స్థిరాస్తి వ్యాపారం చేస్తుంటారు. సోమవారం మధ్యాహ్నం హంటర్‌ రోడ్డులోని ఎస్‌బీఐ బ్యాంకు నుంచి రూ. 5 లక్షలు, నక్కలగుట్టలోని హెచ్‌డీఎఫ్‌సీ బ్యాంకు నుంచి రూ.20 లక్షల నగదు విడిపించారు. హెచ్‌డీఎఫ్‌సీ బ్యాంకు నుంచి నగదుతో బయటకు వచ్చిన తిరుపతి.. మొత్తం రూ.25 లక్షలను కారులో పెట్టారు. అనంతరం బ్యాంకు సిబ్బంది పిలవడంతో లోపలికి వెళ్లారు. వారు సూచించిన పత్రాలపై సంతకం చేసి బయటకు వచ్చే సరికి కారు ముందటి కిటికీ అద్దం పగులగొట్టి ఉంది. అనుమానంతో వాహనంలో పరిశీలించగా అందులో ఉంచిన రూ. 25 లక్షలు కనిపించ లేదు. వెంటనే ‘డయిల్‌ 100’కు ఫోన్‌ చేయడంతో స్పందించిన పోలీసులు అక్కడికి చేరుకుని తనిఖీలు నిర్వహించారు. అనంతరం సమీపంలోని సీసీ కెమెరాలను పరిశీలించి అనుమానితుడిని గుర్తించారు.

Read latest Crime News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని