Crime News: ఈ దొంగకు దైవభక్తి చాలా ఎక్కువ.. చోరీ దృశ్యాలు వైరల్‌

ఖమ్మం: దొంగతనాలు చేసే వారికి దేవుడంటే భయం ఉంటుందా?అదీ .. దేవాలయాల్లో చోరీ చేసి మరీ భయంభక్తితో నటించిన ఘటన ఖమ్మం జిల్లాలో జరిగింది. ఖమ్మం శివారు కై కొండయ్యగూడెం  అంకమ్మ ఆలయంలో గత నెల 29వ తేదీ రాత్రి దొంగతనం జరిగింది. సొత్తు చోరీ చేసేముందు దొంగ అమ్మవారి కాళ్లు పట్టుకుని క్షమించమని వేడుకున్నాడు. ‘హారతి ఇస్తానమ్మా.. క్షమించు’ అని ఓ వైపు భయం.. భయంగా వేడుకుంటూనే.. మరో వైపు హుండీలో ఉన్న డబ్బులు మొత్తం కాజేశాడు. ఈదృశ్యాలు సీసీ కెమెరాలో నమోదయ్యాయి. సీసీ ఫుటేజీ సోషల్‌ మీడియాలో వైరల్‌ అయ్యింది. సీసీ కెమెరాలోని దృశ్యాల ఆధారంగా నిందితుడి కోసం పోలీసులు ఆరాతీస్తున్నారు.