Viveka Murder Case: సీబీఐ అదుపులో శివశంకర్‌రెడ్డి

అమరావతి: మాజీ మంత్రి వైఎస్‌ వివేకానందరెడ్డి హత్య కేసులో అనుమానితుడిగా ఉన్న శివశంకర్‌రెడ్డిని సీబీఐ అదుపులోకి తీసుకుంది. హైదరాబాద్‌లోని ఓ ప్రైవేట్‌ ఆస్పత్రిలో చికిత్సలో ఉండగా సీబీఐ అధికారులు అదుపులోకి తీసుకున్నారు. అనంతరం అతడిని హైదరాబాద్‌ సీబీఐ కార్యాలయానికి తీసుకెళ్లారు. శివశంకర్‌రెడ్డి కడప ఎంపీ వైఎస్‌ అవినాష్‌రెడ్డి ముఖ్య అనుచరుడు. ఇటీవల వివేకా మాజీ డ్రైవర్‌ దస్తగిరి వాంగ్మూలం మేరకు శివశంకర్‌రెడ్డి పేరు ప్రముఖంగా వినిపించిన విషయం తెలిసిందే. వివేకా కుమార్తె సునీత హైకోర్టుకు ఇచ్చిన అనుమానితుల్లో కూడా ఇతని పేరు ఉంది. ఇప్పటికే కడప, పులివెందులతో పలుమార్లు శివశంకర్‌రెడ్డి సీబీఐ విచారించింది.