కుటుంబంలో చిచ్చురేపిన పేకాట వ్యసనం

తల్లీ కుమార్తె ఆత్మహత్య

అనంతపురం: అనంతపురం జిల్లా ధర్మవరంలో విషాదంచోటుచేసుకుంది. కుటుంబ కలహాలతో కుమార్తెతో సహా తల్లి చెరువులోకి దూకి ఆత్మహత్యకు పాల్పడింది. లక్ష్మీ చెన్నకేశవపురం కాలనీకి చెందిన వీరమ్మ భర్త గోపీ పేకాటకు బానిసై ఇంటిని రూ.10లక్షలకు అమ్మేశాడు. దీంతో భార్యాభర్తల మధ్య వాగ్వాదం జరిగింది. ఈ క్రమంలో తీవ్ర మనస్తాపానికి గురైన వీరమ్మ.. తొమ్మిదేళ్ల కుమార్తెతో కలిసి ఇంటి నుంచి వెళ్లి చెరువులోదూకి ఆత్మహత్య చేసుకుంది. ఘటనా స్థలానికి చేరుకున్న పోలీసులు.. తల్లీకుమార్తెల మృతదేహాలను చెరువులోంచి వెలికితీశారు. కేసు నమోదు చేసి గోపిని అదుపులోకితీసుకొని విచారిస్తున్నారు.