Crime News: కూకట్‌పల్లిలో 44 మంది యువకుల అరెస్టు

హైదరాబాద్‌ : కూకట్‌పల్లిలో 44 మంది యువకులను పోలీసులు అదుపులోకి తీసుకున్నారు. స్థానిక వివేక్ నగర్‌లో గత రాత్రి వీరంతా పార్టీ చేసుకున్నారు. మద్యం, హుక్కా సేవించి నృత్యాలు చేశారు. స్థానికులు ఇచ్చిన సమాచారంతో పోలీసులు దాడులు నిర్వహించి వారిని అరెస్టు చేశారు. పార్టీ నిర్వాహకులైన ఇమ్రాన్, దయాల్‌పై నిషేధిత హుక్కా వినియోగంపై కేసు నమోదు చేశారు.

ఓ ఇంటిని అద్దెకు తీసుకొని నెలకు రూ.30 వేలు వీరు చెల్లిస్తున్నట్లు స్థానికులు తెలిపారు. నిర్వాహకులు వారాంతంలో ఇలాంటి పార్టీలు నిర్వహిస్తూ.. చట్టుపక్కల వారిని ఇబ్బందులకు గురిచేస్తున్నారని స్థానికులు పోలీసులకు ఫిర్యాదు చేశారు. దీంతో రంగంలోకి దిగిన పోలీసులు వారిని అదుపులోకి తీసుకున్నారు.