వైరస్‌ జన్యువుపై పరిశోధన 

నేడు ఫలితాలు?

ఈనాడు, హైదరాబాద్‌: సాధారణంగా జన్యుక్రమం కనుగొనేందుకు కనీసం 48 నుంచి 72 గంటలు పడుతుంది. ప్రస్తుత అత్యవసర పరిస్థితి దృష్ట్యా నాలుగైదు నమూనాలున్నా నానో యంత్రంపై చేస్తున్నారు. నేరుగా ఆర్‌ఎన్‌ఏ నమూనాలు వస్తే తక్కువ సమయంలో గుర్తించడం వీలవుతుందని.. ప్రస్తుతం వైరల్‌ ట్రాన్స్‌పోర్ట్‌ మీడియం నుంచి వస్తుండటంతో ఆర్‌ఎన్‌ఏ తీసి ఆర్‌టీ పీసీఆర్‌పై పరీక్షిస్తారు.నమూనాల నాణ్యత కూడా కీలకం. 48 గంటలు దాటితే జన్యుక్రమం కనుగొనేందుకు ఉపయోగపడవు. ప్రస్తుతం విదేశాల నుంచి నగరానికి వస్తున్న ప్రయాణికులకు తప్పనిసరిగా ఆర్టీపీసీఆర్‌ పరీక్షలు చేస్తున్నారు. కరోనా పాజిటివ్‌ల నమూనాలను సేకరించి జన్యుక్రమాలను కనుగొనేందుకు పరిశోధన సంస్థలు సీడీఎఫ్‌డీ, సీసీఎంబీకి పంపిస్తున్నారు. వీటిలో ఒమిక్రాన్‌ కేసులు, వైరస్‌ మూలాలను గుర్తించవచ్ఛు ఒమిక్రాన్‌ మూలాలున్నాయా? లేక కొత్తవి కన్పించాయా అనేది విశ్లేషిస్తారు. భారత్‌కు వచ్చాక కొత్త ఉత్పరివర్తనాలు వచ్చాయా? పరిశీలిస్తారు. తొలుత ఏరకం అనేది స్పష్టం చేశాక మిగతావన్నీ మరింత లోతుగా అధ్యయనం చేస్తారు.