ఆరుతడి పంటలపై అవగాహన: పాలనాధికారిణి

వ్యవసాయ అధికారులతో మాట్లాడుతున్న కలెక్టర్‌ నిఖిల

పరిగి గ్రామీణ, న్యూస్‌టుడే: వరికి ప్రత్యామ్నాయంగా ఆరుతడి పంటలు సాగుచేసేందుకు రైతులకు అవగాహన కల్పించాలని జిల్లా పాలనాధికారిణి నిఖిల వ్యవసాయాధికారులకు సూచించారు. అదనపు పాలనాధికారి చంద్రయ్య, జిల్లా వ్యవసాయాధికారి గోపాల్‌లతో కలిసి సోమవారం పరిగి మండలం సుల్తాన్‌పూర్‌ గ్రామంలో కొనసాగుతున్న ధాన్యం కొనుగోలు కేంద్రాన్ని పరిశీలించారు. ఈసందర్భంగా మాట్లాడుతూ.. గ్రామ గ్రామాన ప్రతి రైతును కలిసి వరికి బదులుగా ఇతర పంటలు వేసుకునేలా నచ్చజెప్పాలని అధికారులను ఆదేశించారు. కార్యక్రమంలో ఎంపీటీసీ సభ్యుడు వెంకట్రాంరెడ్డి, మండల వ్యవసాయాధికారి ప్రభాకర్‌రెడ్డి, ఏఈఓ సంతోష్‌ తదితరులున్నారు.