జేఎన్‌టీయూలో మెగా ఉద్యోగమేళా

మేళా ప్రారంభోత్సవంలో వీసీ నర్సింహారెడ్డి, గోవర్దన్‌, మంజూర్‌హుస్సేన్‌ తదితరులు

కూకట్‌పల్లి, న్యూస్‌టుడే: జేఎన్‌టీయూ యూనివర్సిటీ ఇండస్ట్రీ ఇంటరాక్షన్‌ సెంటర్‌ (యూఐఐసీ) ఆధ్వర్యంలో సోమవారం నిర్వహించిన ఉద్యోగ మేళాకు విశేష స్పందన లభించింది. పది, ఇంటర్‌, డిగ్రీతోపాటు ఇంజినీరింగ్‌, ఫార్మసీ, ఎంబీఏ, ఎంటెక్‌ తదితర కోర్సులు పూర్తిచేసిన దాదాపు 20 వేల మంది పేర్లు నమోదు చేసుకోగా మేళాకు 7,500 మంది హాజరయ్యారు. సాఫ్ట్‌వేర్‌, బ్యాంకింగ్‌, ఫార్మా తదితరాలకు సంబంధించిన 39 సంస్థలు మేళాకు రాగా 2 వేల మంది ఉద్యోగాలకు ఎంపికయ్యారు. ఆరుగురు ఇంజినీరింగ్‌ విద్యార్థులకు ఏడాదికి రూ.4.5 లక్షల చొప్పున ప్యాకేజీ లభించిందని యూఐఐసీ డైరెక్టర్‌ డాక్టర్‌ తారా కల్యాణి తెలిపారు. మేళాను వీసీ కట్టా నర్సింహారెడ్డి, రెక్టార్‌ గోవర్థన్‌, రిజిస్ట్రార్‌ మంజూర్‌హుస్సేన్‌ ప్రారంభించారు.