నిమ్స్‌లో ఆధునిక సేవలు

నేడు ప్రారంభించనున్న ఆరోగ్య మంత్రి

న్యూరో ఎండోస్కోపీ పరికరం

ఈనాడు, హైదరాబాద్‌: నిమ్స్‌లో మరిన్ని ఆధునిక సేవలు అందుబాటులోకి రానున్నాయి. రోగులకు ఉన్నత ప్రమాణాలతో కూడిన చికిత్సలు అందించే ఉద్దేశంతో ఆధునిక వసతులను ప్రభుత్వం కల్పిస్తోంది. ఆరోగ్యశాఖ మంత్రి హరీష్‌రావు మంగళవారం ఉదయం ఈ సేవలను ప్రారంభించనున్నారు.  ః జన్యుపరమైన వ్యాధులకు సంబంధించి విశ్లేషణ, గుర్తింపునకు కొత్తగా ల్యాబ్‌ అందుబాటులోకి రానుంది. మొత్తం 1.15 కోట్లతో  ఆధునిక పరికరాలను సమకూర్చారు.  ః ఎముకల్లో సున్నం(బోన్‌ మాస్‌) ఎంత ఉందో తెలుసుకునే బోన్‌ డెన్సిటో మీటర్‌ అందుబాటులోకి రానుంది. ః కేంద్ర ప్రభుత్వ ఆధ్వర్యంలో మల్టీడిస్పిలినరీ రీసెర్చ్‌ యూనిట్‌  ఏర్పాటు చేశారు. ఇక్కడ జీవనశైలి వ్యాధులపై ఇక్కడ పరిశోధనలు చేస్తారు. ః రూ.2.73 కోట్లతో న్యూమాటిక్‌ ట్యూబ్‌ సిస్టమ్‌(వస్తువులను తరలించడానికి ప్రత్యేక పైపులైన్‌) ఏర్పాటు చేశారు. ఐసీయూ, ఆపరేషన్‌ థియేటర్లతో సహా నిమ్స్‌లో అన్ని బ్లాక్‌లు కవర్‌ అయ్యేలా 46 స్టేషన్లు ఏర్పాటు చేశారు. ః టీఎస్‌ఐఎండీసీ ఆధ్వర్యంలో రూ.40 లక్షలతో అత్యాధునిక న్యూరో ఎండోస్కోపీని అందుబాటులోకి తీసుకొచ్చారు. వీటిని మంత్రి ప్రారంభించనున్నారు.