వీధుల్లో ఎలుగుబంటి హల్‌చల్‌

మెట్టూరు ఆలయం వద్ద ప్రసాదం తింటున్న ఎలుగుబంటి

వజ్రపుకొత్తూరు, న్యూస్‌టుడే: మెట్టూరులో సోమవారం రాత్రి ఎలుగుబంటి హల్‌చల్‌ చేసింది. వీధుల్లో పరుగులు పెడుతూ గ్రామస్థులను భయాందోళనకు గురిచేసింది. అమ్మవారి ఆలయం వద్ద కొంత సమయం సంచరించింది. ఆలయం వరండాలో ఉన్న ప్రసాదం తిని, వీధుల గుండా గ్రామ పరిసర తోటల్లోకి వెళ్లిపోయింది. కొద్దిరోజులుగా ఎలుగులు విచ్చలవిడిగా తిరుగుతున్నాయి. జీడి పంట సీజన్‌ కావడంతో తోట పనులకు వెళ్లలేకపోతున్నామని గ్రామాల ప్రజలు వాపోతున్నారు. సంబంధితాధికారులు చర్యలు తీసుకోవాలని కోరుతున్నారు.