పరిశ్రమలో భారీ అగ్ని ప్రమాదం

పరిశ్రమ నుంచి వెలువడుతున్న పొగ

కట్టంగూరు, న్యూస్‌టుడే: నల్గొండ జిల్లా కట్టంగూరు మండలం అయిటిపాముల శివారులోని పెర్రో అల్లాయిస్‌ పరిశ్రమలో భారీ అగ్ని ప్రమాదం చోటు చేసుకుంది. పెర్రో అల్లాయిస్‌ పరిశ్రమలో ఆదివారం సాయంత్రం 6 ఎమ్‌.వి.ఎ సామర్థ్యం గల నియంత్రికలో ఆయిల్‌ లీకై మంటలు లేచాయి. మంటలు వ్యాపించి పక్కనున్న ఫ్లాంటుకు అంటుకున్నాయి. దీంతో బ్లోయర్లు, పైపులు, విద్యుత్తు తీగలు, బెల్టులు తగలబడి, భారీగా మంటలు లేచినట్లు తెలిసింది. దట్టమైన పొగలు అలుముకున్నాయి. నకిరేకల్‌, నల్గొండ నుంచి అగ్ని మాపక యంత్రాలు ఘటనా స్థలానికి చేరుకుని గంట పాటు శ్రమించి మంటలను చల్లార్చాయి. రూ.60 లక్షల వరకు ఆస్తి నష్టం జరిగినట్లు, ప్రాణనష్టం జరగలేదని యాజమాన్యం వెల్లడించింది. ఘటన స్థలాన్ని ఎస్సై శివప్రసాద్‌ పరిశీలించారు. ఘటనపై తమకు ఫిర్యాదు చేయలేదని తెలిపారు.