Wanaparthy: సుబ్బన్నా..ఇదేందన్నా..

వనపర్తి: బతుకుదెరువు కోసం గ్రామానికి వచ్చి.. గ్రామానికి సంబంధించిన 116 ఎకరాల భూమిని కబ్జాచేసిన ఘటన వనపర్తి జిల్లాలో చోటుచేసుకుంది. చిన్నంబావి మండలం కొప్పునూరు గ్రామానికి చెందిన 116 ఎకరాల భూమిని ఓ వ్యక్తి కబ్జా చేయడంతో స్థానికులు ఆందోళనకు దిగారు. రికార్డుల్లో పేరు మార్చి.. దామగట్ల సుబ్బన్న పేరు ఎక్కించారని గ్రామస్తులు తెలిపారు. రాజకీయ నాయకుల అండదండలతో పేరు మార్చుకున్నారని ఆరోపించారు. భూమి విషయాన్ని ప్రస్తావిస్తే నోటీసులు జారీచేస్తూ ప్రజలను భయాందోళనకు గురి చేస్తున్నారని ఆవేదన వ్యక్తంచేశారు. గ్రామానికి సంబంధించిన భూమి తిరిగి గ్రామానికి వచ్చే వరకు పోరాటం చేస్తామని గ్రామస్థులు స్పష్టంచేశారు.