నిడదవోలు రైల్వేస్టేషన్‌లో ఇదీ పరిస్థితి:వీడియో

నిడదవోలు: ఏపీలోని కోస్తా జిల్లాల్లో గత రెండు రోజులుగా ఎడతెరిపి లేకుండా వర్షాలు కురుస్తున్నాయి. ఉభయ గోదావరి జిల్లాల్లోనూ భారీ వర్షం కురిసింది. వర్షం ధాటికి పశ్చిమగోదావరి జిల్లా నిడదవోలు రైల్వేస్టేషన్‌లో నీరు నిలిచిపోయింది. ఈ ఉదయం పట్టాలపై సుమారు మీటరున్నర ఎత్తుకు పైగా వర్షపునీరు ప్రవహించడంతో రాకపోకలకు ఇబ్బందులు ఎదురయ్యాయి. పట్టాలకు ఇరువైపులా గ్యాంగ్‌మెన్‌ల సాయంతో అతికష్టంమీద రైళ్లను స్టేషన్‌ దాటించారు. రైలు పట్టాలపై వారు నడుస్తుండగా వారి వెంబడి నెమ్మదిగా రైళ్లు నడిచాయి. అనంతరం అధికారులు మోటార్లు ఏర్పాటు చేసి భారీగా నిలిచిపోయిన నీటిని బయటకు పంపించారు.