కలకలం రేపిన ఉత్తరాల సంచులు

కీసర: మేడ్చల్‌ జిల్లా కీసర మండలం బండ్లగూడ రోడ్డు పక్కన ఉత్తరాల సంచులు నిర్లక్ష్యంగా పడి ఉండటం చర్చనీయాంశంగా మారింది. ప్రజాసాయి గార్డెన్‌ వద్ద వేలాది ఉత్తరాలను గుర్తించిన స్థానికులు పోలీసులకు ఫిర్యాదు చేశారు. ఆ సంచుల్లో కూకట్‌పల్లి, షాద్‌నగర్‌, బాలానగర్‌, జగద్గిరిగుట్ట ప్రజల ఉత్తరాలు ఉన్నాయి. అందులో కొన్ని ఆధార్‌ కార్డులు, కాల్‌లెటర్లు ఉండటం గమనార్హం. తపాలా అధికారులే ఉత్తరాలను నిర్లక్ష్యంగా పడేశారని స్థానికులు ఆరోపిస్తున్నారు. ఈ ఘటనపై పోలీసులు దర్యాప్తు ప్రారంభించారు. అందులో కాల్‌లెటర్లు ఉండటంతో చాలా మంది ఉద్యోగాలు కోల్పోయి ఉండొచ్చని పోలీసులు అనుమానిస్తున్నారు.