Updated : 03/02/2020 20:06 IST

హైదరాబాద్‌కు ‘దిశ’ న్యాయవిచారణ కమిషన్‌

హైదరాబాద్‌: ‘దిశ’ హత్యాచార నిందితుల ఎన్‌కౌంటర్‌కు సంబంధించి సుప్రీంకోర్టు నియమించిన న్యాయవిచారణ కమిషన్‌ ఇవాళ దిల్లీ నుంచి హైదరాబాద్‌కు చేరుకుంది. సుప్రీంకోర్టు మాజీ న్యాయమూర్తి జస్టిస్‌ సిర్పూర్‌కర్‌, బాంబే హైకోర్టు మాజీ న్యాయమూర్తి జస్టిస్‌ రేఖా ప్రకాశ్‌, సీబీఐ మాజీ డైరెక్టర్‌ కార్తికేయ ఈ కమిషన్‌లో సభ్యులుగా ఉన్నారు. హైకోర్టు ప్రాంగణంలోనే న్యాయ కమిషన్‌ విచారణకు ఏర్పాట్లు చేశారు. 

దిశ నిందితుల ఎన్‌కౌంటర్‌పై అనుమానాలు వ్యక్తంచేస్తూ కొందరు సుప్రీం కోర్టును ఆశ్రయించడంతో.. న్యాయవిచారణ కమిషన్‌ను ఏర్పాటు చేస్తూ సుప్రీంకోర్టు ప్రధాన న్యాయమూర్తి ఆదేశాలు జారీ చేశారు. ఈ కమిషన్‌ విచారణ ప్రారంభించిన ఆరు నెలల్లోపు నివేదిక సమర్పించాల్సి ఉంది. విచారణలో భాగంగా సైబరాబాద్‌ కమిషనరేట్‌ ఉన్నతాధికారులతో పాటు ఎన్‌కౌంటర్‌లో పాల్గొన్న పోలీసులు, దర్యాప్తు అధికారులు, ఎన్‌కౌంటర్‌ అనంతరం పంచనామాలో భాగస్వాములైన రెవెన్యూ అధికారులు, పోస్టుమార్టం నిర్వహించిన వైద్యులను న్యాయ విచారణ కమిషన్‌ ప్రశ్నించనుంది. ఎన్‌కౌంటర్‌లో మృతి చెందిన నిందితుల కుటుంబ సభ్యులను కూడా కమిషన్‌ విచారించనుంది.


Read latest General News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని