రేపు పాక్షికంగా ఎంఎంటీఎస్‌ సర్వీసులు

హైదరాబాద్‌: జనతా కర్ఫ్యూ కారణంగా రేపు పరిమిత సంఖ్యలో ఎంఎంటీఎస్‌ సర్వీసులు నడపనున్నట్టు దక్షిణమధ్య రైల్వే సీపీఆర్వో రాకేశ్‌ తెలిపారు. శనివారం ఆయన మీడియాతో మాట్లాడుతూ... ప్రయాణికులకు ఇబ్బంది లేకుండా 12 ఎంఎంటీఎస్‌ సర్వీసులు  మాత్రమే నడుపుతామని వెల్లడించారు. దక్షిణమధ్య రైల్వే పరిధిలో 250కి పైగా ప్యాసింజర్‌ రైళ్లు రద్దు చేసినట్లు చెప్పారు. ‘‘అన్ని మెయిల్‌ ఎక్స్‌ప్రెస్‌ రైళ్లు రద్దు చేశాం. ఉదయం 4గంటల నుంచి రాత్రి 10లోపు బయల్దేరే మెయిల్‌ ఎక్స్‌ప్రెస్‌ రైళ్లు రద్దు. రైల్వే స్టేషన్ల ప్రాంగణంలోని వెయిటింగ్‌ హాళ్లు, ఫుడ్‌ స్టాల్స్‌ మూసివేస్తాం’’ అని వివరించారు.